Uil'yam Berns pen Putin. Foto: BBC.

AQŞ-tıñ Ortalıq Barlau Agenttigine (CIA) jaña jetekşi kelmek. Bayden wsınğan atalğan mañızdı barlau wyımın basqaruı mümkin degen boljamdar bar. Bayden wsınğan Uilyam Bernstiñ bwrın Reseyde elşi bolğanı aqparat qwraldarınıñ nazarın audarıp otır.

Uilyam Berns 2005-2008 jıldar arasında Qwrama Ştattardıñ Reseydegi bas elşisi bolğan. Orıs pen arab tilinde jattıq söyleytin diplomat öziniñ Reseydegi qızmeti kezinde Putin men onıñ aynalasındağı memleket jetekşilerimen jaqsı tanıs bolğan delinedi. Aq üy jetekşisi Bayden onı Ortalıq barlau agenttigine wsınıs etkennen keyin tanımal äri ıqpaldı basılım The New York Times basılımına mälimdeme sipattı maqala jariyalaptı. Bwl jazbasında Berns Resey men Qıtaydan keletin qauip-qaterlerge basa köñil bölu turalı eskertu jasağan.

Qazir AQŞ Senatı Bernstiñ kandidaturasın qarastırıp jatır. Onıñ jazbasınıñ mazmwnı men Baydenniñ wsınıs etuine qaray otırıp, aldağı uaqıtta AQŞ barlau qızmetin basqaruı bek mümkin dep otır. Tanımal basılımda ol Reseydi «derjava atağınan ayırılıp qalğan el» alayda «äli de qauip qaterge ie» dep bağalaptı. Ol ösip kele jatqan jäne keyin ketken «derjavalardıñ» qateri wqsas ekenin, bwl äsirese kiber şabuıldar arqılı köbirek körinip jatqanın aytqan.

“The Qazaq Times”