Foto: inosmi.ru

Armeniya Qarulı küşteriniñ Bas ştabı prem'er-ministr Nikol Paşinyannıñ otstavkağa ketuin talap etti. Äskerilerdiñ bwl talabına oppoziciyalıq «Otandı qwtqaru qozğalısı» qoldau bildirip, öz jaqtastarın Erevannıñ ortalığında mitingke şaqırdı.

Oppoziciyalıq birlestiktiñ habarlamasında: «Otandı qwtqaru qozğalısı» joğarı komandalıq qwramnıñ Paşinyandı otstavkağa ketiru turalı ötinişin qwptaydı. Biz armyan halqın Bostandıq alañına jinalıp, qarulı küşter men äskerlerdi qoldauğa şaqıramız», – delingen. Sonday-aq, qwjatta Qarulı küşter eldiñ qauipsizdigi men birliginiñ kepili ekeni aytılğan.

Bwl jağdayğa Bas ştab basşısınıñ birinşi orınbasarınıñ qızmetinen bosatıluı sebep. Prem'er-ministr Paşinyannıñ joğarı lauazımdı qızmetkerdi ornınan ketiru turalı wsınısını Armeniya prezidenti Armen Sarkisan maqwldağan. Endi osığan baylanıstı qarulı küşter Nikol Paşinyanmen qosa ükimettiñ de otstavkağa ketuin talap etti. Biraq bilikten halıqqa qarsı küş qoldanbauın swrap otır.

Al prem'er-ministr äskeriler osılayşa töñkeris jasamaq boldı dep sanaydı. Bügin Nikol Paşinyan da öz jaqtastarın Respublika alañına şığuğa şaqırdı.

"The Qazaq Times"