Kanadanıñ konservativti oppoziciyalıq partiya biliktegi Liberaldı partiyadan AQŞ qatarına qosılıp, Qıtay ükimetiniñ Şıñjañdağı genocidin anıqtaudı talap etti. Olar Kanadadağı Adam qwqığın qorğau wyımı jäne AQŞ departamentterimen birlese otırıp, Qıtay ükimetiniñ Şıñjañdağı az sandı wlttarğa qarsı genocid pen adamzatqa qarsı qılmıstar jasağanın, onıñ işinde halıqtı jüyeli baqılaudı, jınıstıq zorlıq-zombılıqtı jäne jappay wstaudı anıqtaudı talap etken.

Birlesken mälimdemeni Konservativtik partiyanıñ sırtqı ister ministrge ümitkeri, äri kongress müşesi Miçel Çoñ bastap jäne özge de kongresmender 24 qañtar küni jasağan. Mälimdemede, Qıtay ükimetiniñ äreketi jalpığa ortaq adam qwqığı men halıqaralıq qwqıqtarğa mülde qwrmet etpeytindiginiñ ayqın däleli dep körsetken. Sonday-aq, quğın-sürgin qwrbandarı arasında Gonkong twrğındarı, tibetter, Falun-Gun qozğalısınıñ müşeleri jäne mwsılman, hristian, özge de dini-etnikalıq azşılıqtardıñ bar ekenin basa aytqan.

«Konservativti partiya adam qwqığın bwzuğa qarsı küresu üşin köpjaqtı ıntımaqtasu mañızdı dep sanaydı. Biz Tryudo (Kanada prem'er-ministri, red.) ükimetin Bayden äkimşiligimen Qıtaydıñ wyğırlardı qırğınğa wşıratqanın resmi türde tanu üşin jwmıs isteuge jäne Kanada ükimetin  basqa odaqtastarın osığan as salısuğa şaqıruın talap etemiz», – degen mälimdemede.

Şıñjañdağı Qıtaydıñ adam qwqıqtarınıñ bwzıluına jauap retinde Kanada ükimeti osı aydıñ basında birqatar jaña şaralar qabıldadı, sonıñ qatarında otandıq kompaniyalarına Şıñjañdağı mäjbürli jwmıspen aynalısatın qıtaylıq jäne özge şeteldik kompaniyalarmen biznes jürgizuge tıyım salu şarası da bar.

Ayta keteyik, Tramp ükimeti bilikten keter aldında Beyjiñ biligi Şıñjañdağı az sandı wlttarğa qarsı genocid jasadı dep resmi tanıdı. Baydennıñ bas diplomatı da Tramp äkimşiliginiñ bwl şeşimimen kelisken. Alayda, Qıtaydıñ genocid pen adamzatqa qarsı qılmıstıq äreketteriniñ jauabı retinde AQŞ jaña ükimetiniñ qanday naqtı şaralar qabıldaytını äli de anıq emes.

“The Qazaq Times”