Katar ortalığı Doha. Foto: äl-Jazira.

Katar Sırtqı ister ministrligi Irandı Parsı şığanağındağı arab elderiniñ dialogiyana qatısuğa şaqırğan. Bwl bastama arab elderi arasında alğaş ret jasalıp otır.

Irandı Parsı şığanağına şektesetin arab elderiniñ dialogiyana qosu turalı mälimdemeni Katar SİM basşısı Mwhamed äl-Sani jasağan. Onıñ aytuınşa şığanaq elderi ortaq dialog ornatuğa müddeli.

Keşe, Iran sırtqı ister ministri Jevad Zarif öziniñ «Tvitterdegi» paraqşasında Katardıñ bwl bastamasın jılı qabıldağanın jetkizdi. «Iran Katardıñ öñirimiz üşin auqımdı dialog ötkizuge şaqırğanın jılı qabıldaydı. Biz ünemi aymağımız ben jahannıñ üstemdikten tazarıp, beybit, quattı, twraqtı jäne körkeygen aymaq etip qwrudı alğa tartıp kelgemiz. Sondıqtan da Katar bastamasın qoldaymız», – degen.

Iran men şığanaq arqılı şektesetin arab elderiniñ dialog ornatuı öñirdegi twraqtılıqqa oñ äser beredi degen boljamdar bar.

“The Qazaq Times”