Foto: https://www.inform.kz

Älemde koronavirus qwrbandarınıñ sanı 2 millionnan assa, virus jwqtırğandar 95 millionğa jetti. Osığan baylanıstı BWW Bas hatşısı vakcina taratu mäselesinde ıntımaqtasu qajet dep dabıl qaqtı.

Damığan memleketter vakcinalarğa tez qol jetkizse, älemdegi eñ kedey elderde ekpe taratu qiın. Keybir memleketter astırtın kelisim jasap, vakcinalardı artığımen satıp alğan.

Gutteriş resmi mälimdemesinde: «Vakcina öndiruşiler jauapkerşilikti sezinip, COVAX mehanizmimen jäne bükil älemdegi eldermen birlesip, vakcinalardı qajetti mölşerde jetkizip, dwrıs taratu üşin jwmıs isteui kerek. Bir-birimizdi qorğau üşin qarapayım jäne däleldengen närselerdi este saqtayıq: maska tağu, fizikalıq qaşıqtıqtı saqtau jäne köpşilikten aulaq bolu. Bizdiñ älem bwl virustı birlesip äreket etkende ğana jeñe aladı», – dedi.

Ötken aptada Düniejüzilik densaulıq saqtau wyımı pandemiyanıñ ekinşi jılı birinşisinen auır boluı mümkin dep boljam jasağan. Bwğan Wlıbritaniyadan anıqtalğan mutaciyalanğan virustıñ tez taraluı sebep. Resmi mälimetter boyınşa, virus adamdar arasında 70%-ğa tez taraydı. Biraq qauiptiligi jağınan bwrınğı türinen erekşelenbeydi. Jaña ştamm aldıñğı koronavirusqa qarağanda adamdarğa tez jwğatını anıqtalğan. Älemniñ köptegen eli korol'dikpen äue qatınasın toqtatıp, bwl elderden kelgen adamdardı qatañ tekseruge kiristi .

Äzirge «Britandıq» virus naqtı osı elde özgeriske wşırağan ba, ol da belgisiz. Onıñ osı elde immuniteti älsiz, viruspen küresuge därmensiz nauqastıñ ağzasında payda bolğanın nemese bolmasa sırttan kelgenin äli eşkim anıqtağan joq.

"The Qazaq Times"