AQŞ Resey men Qıtaydı köptegen jıldardan beri aşıq teñiz erkindigin bwzıp, özge elderdiñ egemendigine qauip töndirude dep ayıptap keledi. Soğan say keşe, 11 qañtar küni AQŞ Äskeri-teñiz operaciyaları jönindegi departamenti AQŞ Äskeri-teñiz küşteriniñ Qıtay men Reseyge qarağanda teñizdegi äskeri basımdığın saqtau boyınşa bolaşaq äreketterin belgileytin 10 jıldıq josparın jariyaladı.

Atalğan departament jariya etken jospar 18 betten twradı. Departamenttiñ hatşısı jäne admiral Maykl Gilday mälimdemesinde Qıtay men Reseydiñ teñizdegi äreketterin ayıptap bılay dedi: «Bwl eki el de öz aumaqtarınan tıs teñizderdegi qımbat resurstarğa ädiletsizdikpen ielik etu üşin bar küşin salıp keledi; Ekeui de öz körşilerin qorqıtıp, ürkitip, zañsız, ädiletsiz talaptarın orındatuğa tırısadı; Mañızdı su joldarın öz baqılauına aluğa tırısıp, basqarılmalı zımırandar jäne sol sekildi kürdeli äskeri tehnikalardıñ jüyesin qwruda. Olardıñ äreketteri teñizdegi erkindik pen birqatar memleketterdiñ egemendigine tikeley qauip töndiredi».

Bwğan qosa Maykl Gilday Qıtaydıñ AQŞ-pen bäsekelesetin teñiz küşterin jasaqtap jatqanın, sonısımen de Qıtay AQŞ-tıñ eñ qauipti strategiyalıq qarsılası ekenin tağı da bir eskertip ötti.

«Bizdiñ bağıtımız ayqın», – dedi Gilday, – bizdiñ bos uaqıtımız joq. Aldağı on jıldıqta jasaytın is-äreketterimizben biz twtas ğasırdağı teñiz küşteriniñ tepe-teñdigin saqtaytın bolamız», – degen pikirin aytqan.

AQŞ Äskeri-teñiz operaciyaları jönindegi departamenttiñ josparı tört negizgi bağıttı damıtuğa basa nazar audarğan. Aytalıq, saladağı kadrlardı dayındau, mamandandıruğa investiciya salu; tehnikalıq qamtamasız etudi jetildiru; salağa qatıstı jelilik kemeldilik jäne jasandı sananı paydalanuğa investiciya salu; ozıq soğıs kemeleriniñ ülken qosınına ie bolu.

Bwğan qosa habarlamada AQŞ öziniñ odaqtas seriktesterimen birge teñizdegi erkindikti qorğau jäne agressiyanı toqtatuğa äskeri küşterdi jiberudi qamtamasız etuge jwmıs isteytinin aytqan.

“The Qazaq Times”