"DAT" jobasınıñ jetekşisi, jurnalist Ermwrat Bapi. Foto: QT

16 qaraşada Almatı qalasınıñ äkimşilik sotında «DAT» gazetiniñ jetekşisi, jurnalist Ermwrat Bapidiñ ötui tiis sotı toqtatıldı.

Ol bügin tañerteñ sağat 10:00-da ispen tanıspaq maqsatpen sotqa barğan. Belgili jurnalistiñ sözinşe, Medeu audandıq policiya basqarmasınıñ ökili oğan istiñ toqtağanın habarlap, «Ağa, siz bossız, men sizdi şığarıp salu kerekpin» dep şığarıp salğan.

Ermwrat Bapi mwnı özin mitingige qastıstırmas üşin jasalğan «äkimşilik ayla» dep sanaydı. Sottan istiñ ne sebepti toqtatılğanın tüsindirudi talap etken belsendige eşqanday twşımdı jauap berilmegen.

«Qazir belgili bolıp otır, meni Janbolat Mamaydıñ mitingisine jibermeu üşin wstağan. Aldında Töreğojina men Ağeleuovtıñ mitingisinde men söylegenmin. Onda Qazaqstandağı sayasi reforma, modernizaciya, Nazarbaevtıñ bilikten ketuimen baylanıstı ekenin, ol ketpey eşqanday özgeris bolmaytının, özgeris bolu üşin ol zeynetke şığıp, Qauipsizdik keñesi törağasınıñ ökiletin ükimetke qaytarıp beru kerek dep aytqanmın. Sodan boluı kerek, mına mitingte de «radikal'nıy» dünie aytama dep, jibermey qoydı», – deydi Bapi aqparat qwralına bergen pikirinde.

Ötken senbi sayasi reformalaudı talap etken Dempartiya men «Bäse» YouTube arnasınıñ şaqıruımen Almatıda sankciyalanğan miting ötken. Şerudiñ bastaluına birer sağat qalğanda Ermwrat Bapi jolay wstalıp, üstinen Äkimşilik kodekstiñ 488-babı boyınşa (Beybit jiın ötkizu tärtibin bwzu) is qozğalğanı habarlanğan. Jurnalist mwnı qaraşanıñ 13-i qwqıq qorğauşılar «sayasi qwrban» sanaytın Dulat Ağadildiñ wlı Janbolat Ağadildiñ mezgilsiz qazasına aza twtıp, zañda belgilengen şeru aymağına barğanı üşin qozğalğanın aytadı.

“The Qazaq Times”