Bıltır 4 qaraşada şığarılğan sot ükimi özgerissiz qaldı. Foto: Azattıq radiosı

Qarağandı oblıstıq sotı bıltır qañtar ayında «Drevniy Rim» kafesindegi atışulı toptıq janjalda qaza tapqan Raqımjan Janseittiñ isi boyınşa apellyaciyalıq şağımdı özgerisiz qaldırdı.

Jäbirlenuşi tarap ayıptaluşı Jwmamwratov, Şurka, Stepanyan, Ogannisyandarğa kesilgen ükimdi qatañdatudı swrağan.

Sot alqasınıñ tüsindirmesine säykes, «ükim qwqıq bwzuşılıqtıñ qoğamğa keltirgen qaupi men sipatın, därejesin jäne jauaptılıqtı jeñildetetin män-jaylardı, onıñ işinde bwrın olardıñ qılmıstıq jauapkerşilikke tartılmağanın, kinäsin moyındap, jasağan isine ökingenin eskere otırıp tağayındalğan».

Bwğan deyin 2019 jıldıñ qaraşasında Qarağandı oblıstıq sotı töbeles kezinde pışaq jaraqatınan köz jwmğan Raqımjan Janseyittiñ isi boyınşa YUsifa Nuruludı kinäli dep tanıp, onı 19 jılğa bas bostandığınan ayırğan. Basqa tört ayıptaluşı ärqaysı 3 jılğa sottalğan. Sonımen qatar, altı adamğa şarttı merzim berilgen, tağı eki azamat taraptardıñ tatulasuına baylanıstı bas bostandığı şektelgen.

2019 jıldıñ birinşi qañtarında «Drevniy Rim» meyramhanasında jastar topqa bölinip töbelesken. Meyramhana qonaqtarı men sol mekemeniñ basşıları arasında tuğan janjal 23 jastağı Janseyittiñ qazasımen ayaqtalğan. Bwl jağday qoğamda ülken rezonans tudırıp, tipti key sarapşılar mwnı «wltaralıq qaqtığıs» (qazaq-armyan) deñgeyinde qarastıru kerektigin aytqan.

“The Qazaq Times”