AQŞ prezidenttigine ümitkerler. Foto: VVS

AQŞ-tağı prezident saylauına sanaulı uaqıt qaldı. Aldın ala saualnama nätijeleri demokrat Djozef Baydenniñ jeñisin boljap otır. Degenmen bastı töreşi – erteñgi kün. Saylauda jeñiske jetetinine tolıqtay senimdi Aq üy basşısı Donal'd Tramp saualnamalardıñ «jalğan» ekenin ayttı.

Tramp: «Men jalğan saualnamalardı kördim. Biz bäribir jeñiske jetemiz. Şınayı saualnama bolsa, bizdiñ jeñiske jetetinimiz aytılar edi. Osıdan tört jıl bwrın halıq Amerikanı damıtqan autsayderge dauıs berdi. Bwl jolı da biz yueñiske jetemiz», – dedi.

Bwğan deyin Uaşingtondağı amerikalıq universitettiñ professorı Kendis Nel'son Tramptıñ Baydennen artta qaluına qaramastan prezidenttik saylauda jeñiske jetu mümkindigi bar ekenin aytqan.

Real Clear Politics sayasi jelilik resursınıñ soñğı mälimetterine säykes, Bayden Tramptan saylauşılar arasında tanımaldığı boyınşa ortaşa eseppen 6,5% alda keledi. Büginge deyin 97 mln byulleten' ötkizilgen. Onıñ 35 millionı saylau uçaskilerinde jasalğan dauıstar bolsa, 62 mln-ğa juığı poştamen jasalğan dauıstar. Bwl – 2016 jılğı barlıq dauıstardıñ üşten eki böligi jäne AQŞ tarihındağı rekordtıñ körsetkiş.

AQŞ prezidenttigine birinşi ümitker – respublikalıq partiyanıñ ökili Donal'd Tramp. Respublikalıqtardıñ soñğı jıldardağı wstanımı – salıqtı azaytu, qarudı wstau qwqığın qoldau jäne köşi-qonğa qatıstı qatañ şekteuler engizu. Şalğay öñirlerde qoldauşıları köp. Respublikalıq eks-prezidentterdiñ qatarında Ronal'd Reygan men Djordj Buş bar.

Ekinşi ümitker – demokrat Djo Bayden. Barak Obama el basşısı bolğan kezde 8 jıl boyı vice-prezident qızmetin atqarğan. Sayasattağı täjiribesi 50 jılğa juıqtaydı. Demokrattar partiyasınıñ ökili. Bwl sayasi wyım azamattıq qwqıq, köşi-qon jäne klimattıñ özgerui sekildi mäselelerge degen liberaldıq közqarasımen erekşelenedi. Demokratiyalıq partiyanıñ eks-prezidentteri qatarında Djon Kennedi, Bill Klinton men Barak Obama bar.

"The Qazaq Times"