ادەتتە،  امەريكا قۇراما شتاتارىن قانداي دا ءبىر ايىپتاعىسى كەلگەندەردىڭ  ءدىنسىز ەل رەتىندە اتاپ جاتاتىنىن كورەمىز. بۇل ۇلكەن جاڭساق ۇعىم جانە ونداعى ء"دىنسىز" دەگەنى كوبىنشە "مۇسىلمان ەمەس" دەگەنى بولسا كەرەك. الايدا، اقش ءدىنشىل ەلدەردىڭ قاتارىنا جاتادى. ستاتيستيكا ەل حالقىنىڭ 87 پايىزى قۇدايعا سەنەتىنىن كورسەتەدى.

ءدىن امەريكالىقتاردىڭ جەكە ءومىرى عانا ەمەس ساياساتقا دا ۇلكەن اسەرىن تيگىزىپ كەلەدى. اسىرەسە،  سايلاۋ ناۋقاندارىندا دىندەردىڭ ءرولى انىق كورىنەدى. پرەزيدەنت  ترامپتىڭ: "و، ءتاڭىرىم،  امەريكاعا راحىم ەتە كور" دەپ ءجيى ايتاتىنى دا سودان. كونسەرۆاتيۆتىك قۇندىلىقتاردى  قورعاۋشى جانە تۇسىك جاسايۋعا قارسى ترامپ بىرقاتار ءدىني اعامداردىڭ قولداۋىنا يە بولعان.

بۇعان قاراپ اقش-تاعى دىنگە سەنەتىندەردىڭ ءبارى ترامپتى قولدايدى دەۋگە كەلمەيدى. ونى دىنشىلدەردىڭ قانشاسى قولدايتىنىن ءبىلۋ ءۇشىن امەريكاداعى ءدىني ءبولىنىستى انىقتاي كەتۋگە تۋرا كەلەدى.

ترامپتىڭ نەگىزگى ەلەكتوراتى اق ءناسىلدى حريستياندار دەلىنەدى. اق ءناسىلدى حريستياندار بولسا امەريكا قوعامىنداعى ەڭ ۇلكەن ءدىني توپ،  سوندىقتان دا ترامپتىڭ قولىندا ۇلكەن "كوزىرى" بار دەيتىندە  سوزدەر ايتىلادى.

Gallup اتتى زەرتتەۋ ۇيىمىنىڭ قورىتىندىسىن بىرقاتار ءىرى اقپارات قۇرالدارى العا تارتىپ جاتىر. اقش-تا ەڭ كوپ ساندا حريستياندار تۇرادى. ولاردىڭ ءوزى ۇلكەن جاقتان كاتوليكتەر جانە پروتەستانتتار دەپ ەكىگە بولەدى. جالپى جاقتان پروتەستانتتار سان جاعىنان  كاتوليكتەردەن الدە قايدا كوپ، ترامپ وسى دىنگە سەنۋشىلەر قاتارىندا اتالادى،  الايدا ولار دا ىشىنەن تارماقتالىپ ءتۇرلى شىركەۋلەرگە ءبولىنىپ كەتەدى. ءتىپتى،  "اق" جانە "قارا" شىركەۋلەر سەكىلدى.

"اق" ءتۇستى شىركەۋلەردىڭ 78 پايىزى ترامپتىڭ تۇراقتى ەلەكتراتى دەپ كورسەتەدى امەريكالىق زەرتتەۋ ورتالىقتارى. وسىعان كەرىسىنشە "قارالاردىڭ ءومىرى دە باعالى" دەگەن قوزعالىسقا ساي "قار شىركەۋلەردىڭ" 90 پايىزعا جۋىعى دەموكراتتارعا جاقتاس.

كاتوليكتەر بولسا اقش-تا ەكىنشى ورىنداعى ءدىني توپ. سايلاۋ قۇقىعىنا يە امەريكالىقتاردىڭ 22 پايىزىن تۇزەدى. دەموكراتتاردىڭ ۇمىتكەرى بايدەن وسى ءدىني توپقا كىرەدى. بىراق،  زەرتتەۋ ناتيجەسىنە قاراعاندا بيىل كاتوليكتەردىڭ 51 پايزى عانا بايجەنگە جاقتاس كورىنەدى. سوندىقتان بۇل ءدىني توپ سايلاۋ ناتيجەسىنە ايىرقشا ىقپال ەتە المايدى دەگەن دە پىكىر بار. بۇلارمەن قاتار اق ءتاندى كاتوليكتەردىڭ باسىم كوبى ترامپتى قولدايتىنى دا بەلگىلى بولدى.

ادەتتە دىنشىلدەردىڭ كوبى رەسپۋبليكاشىلدارعا جاقتاس بولىپ كەلگەن،  وعان سەبەپ كەيبىر سەنىمگە قاتىستى قۇندىلىقتاردا ورتاقتاساتىن  تۇستارى بار. سوندىقتان بايدەن ءۇشىن بۇل جاعى قيىنشىلىق الىپ كەلەرى ىقتيمال. ال،  دەموكراتتاردى كوبىنەسە امەريكالىق مۇسىلماندار مەن يۋداۋيزم وكىلدەرى قولدايدى.

زاڭدارىنا ساي پرەزيدەنتكە ۇمىتكەرلەر شىركەۋلەردە ۇگىت جۇرگىزە المايدى. بىراق،  كەيدە بۇل تالاپتار اتقارىلماي قالىپ جاتادى. ءدىنشىل ەلەكتوراتتاردى تارتۋدا ترامپ 2016 جىلدان بەرى باسىمدىق  كورسەتىپ كەلەدى. ونىڭ مالىمدەمەلەرىندە دىنگە سەنەتىندەرگە ارنايى ورىن بەرلىپ وتىرادى. بىراق ونىڭ دىنگە قانشالىق سەنەتىنى ءوز الدىنا ماسەلە،  بۇل تۋرالى قاراپايىم امەريكالىقتار ءجيى پىكىرتالاسقا ءتۇسىپ جاتادى.

"The Qazaq Times"