Körneki suret. Foto: www.city04.kz

Qazaqstanda bilim jäne ğılım vice-ministri Bibigül Asılova bilim salasınıñ basqaru jüyesi özgeretinin habarladı.

«Özderiñizge belgili, 2021 jıldıñ qañtardan bastap bilim salasın basqaru jüyesi özgeretin boladı. Audandıq jäne qalalıq bilim beru bölimderin basqaru qızmeti oblıstıq basqarmalarğa beriledi. Ol üşin «Byudjet» kodeksine, «Bilim turalı» jäne «Jergilikti memlekettik basqaru turalı» zañdarğa 27 özgeris engizildi. Zañğa säykes bilim bölimderiniñ märtebesi saqtaladı. Biraq, olar bilim basqarmalarına qarastı boladı jäne oğan esep beredi. Köp jağdayda bilim sapası onıñ menedjmentine, qarjılandırıluına jwmıldırılğan barlıq procesterdiñ tiimdi özara is-qimılına baylanıstı. Audandıq, qalalıq jäne oblıstıq bilim basqarmaları özara is-qimılınıñ bügingi procesi qoğam tarapınan ädil sınğa wşırap otır», - dedi Bibigül Asılova vedomstvonıñ apparat jinalısında.

Onıñ aytuınşa, bwl şeşim memleket basşasınıñ bıltırğı tapsırmasına säykes qabıldanğan.

Kelesi jıldıñ basınan bastap qalalıq jäne audandıq bilim bölimderin qarjılandıru oblıstıq bilim basqarmasına auısadı. Bwl jergilikti bilim beru wyımdarı jwmısınıñ jaqsaruına sep boladı deydi şeneunikter.

"The Qazaq Times"