Soñğı zertteulerge säykes Germaniya Qıtay men Reseydiñ europadağı bastı nısanasına aynalğanı mälim boldı. Strategiyalıq zertteu qorıtındıları Germaniya aldağı «qırği-qabaq soğıstıñ» bas keypkerine aynalatının boljaydı. 

29 şilde Royal United Services Institute ağa ğılımi qızmetkeri Djon Kampfnerdiñ «Qıtay men Resey Germaniyada» attı zertteu maqalasın jariyaladı. Maqalada Resey men Qıtaydıñ Germaniyamen baylanısı jöninde türli mäselelerdi saraptap körsetken.  Onıñ ayiuınşa Germaniya Reseydiñ  kiber şabuıldarına tap bolumen qatar, Qıtaydan tönetin ekonomikalıq qauipke tws kelgen.

Kempfner maqalasında: «Reseydiñ äreketi negizinen sayasi is-äreket, qoğamnıñ demokratiyalıq jüyege degen senimsizdik qalptastruğa bağıttalatının», «Qıtay ärdayım ekonomikalıq aktivterdi nısanağa alıp kelgennin» atap körsetedi. Sonımen birge Germaniya eksporttıq narıqta Qıtayğa täueldi ekenin alğa tartqan. Bwl Germaniyanıñ ekonomikalıq qauipsizdigine qater töndiretini mälim.

Sonday-aq, maqalada Qıtaydıñ äreketi tek ekonomikalıq şeñberde şektelie qalmağanın eskertedi.  Soñğı birneşe jılda Qıtay «bir beldeu jäne jol» siyaqtı sayasattı ilgeriletu üşin nemis BAQ-men ıntımaqtastıqtı küşeytken. Qıtay Germaniyada wzaq merzimdi strategiyasın jüzege asıruda, ol Reseydiñ aşıq äreketinen göri näzik. Qıtay ügit-nasihat jwmıstarın keñeytip, Germaniyadağı jäne basqa da aymaqtardağı bedeli men ıqpalın keñeytudi közdep otır.

Zertteuge säykes Germaniya qazirgi uaqıtta Resey men Qıtaydıñ Europadağı is-äreketteriniñ eñ bastı nısanasına aynalğanın biluge boladı. Atalğan britandıq analitikalıq ortalıqtıñ bwl esebinde «Qıtaydıñ nemis ekonomikasınıñ qozğauşı küşine aynala bastauı qauip tudıratının, qıtaylıq investorlar nemimtiñ keybir şağın kompaniyaların satıp alıp, onıñ wstanımın özgeruine tırısadı. Sonıñ özi Qıtaydıñ strategiyalıq qadamı ekeninin körsetedi» dep sipattağan.  Anığında, AQŞ pen Germaniya arasındağı «naşar qarım-qatınas», Germaniyağa Qıtay men Reseyden tönetin qauip-qaterdiñ arta tüsuge sebep bolıp otır.

Koronavirus pandemiyası Europa elderiniñ Qıtaymen bolaşaq qarım-qatınas turalı oylandırdı. Bwl turalı mälimdemede: «Qıtay ekonomikası COVID-19 dağdarısında körsetildi, nemis halqın Qıtaymen iskerlik qatınastardı damıtudıñ artıqşılıqtarı men kemşilikterine köbirek köñil böluge mäjbür etti. COVID-19 pandemiyası kezinde Germaniyanıñ medicinalıq saqtandıru men jabdıqtı jetkizudiñ senimdiligin, wlttıq infraqwrılımnıñ jalpı senimdiligin köptegen elder qayta qaradı delingen».

Osığan baylanıstı mälimdemede Qıtay men Reseydiñ nemis qoğamına, sayasatına jäne ekonomikasına enui, Europadağı eñ iri ekonomika Germaniyağa qauip töndirip qana qoymay, sonımen qatar Europa men batıs demokratiyalıq jüyesine de qauip töndiredi.

"The Qazaq Times"