سوڭعى زەرتتەۋلەرگە سايكەس گەرمانيا قىتاي مەن رەسەيدىڭ ەۋروپاداعى باستى نىساناسىنا اينالعانى ءمالىم بولدى. ستراتەگيالىق زەرتتەۋ قورىتىندىلارى گەرمانيا الداعى «قىرعي-قاباق سوعىستىڭ» باس كەيپكەرىنە اينالاتىنىن بولجايدى. 

29 شىلدە Royal United Services Institute اعا عىلىمي قىزمەتكەرى دجون كامپفنەردىڭ «قىتاي مەن رەسەي گەرمانيادا» اتتى زەرتتەۋ ماقالاسىن جاريالادى. ماقالادا رەسەي مەن قىتايدىڭ گەرمانيامەن بايلانىسى جونىندە ءتۇرلى ماسەلەلەردى ساراپتاپ كورسەتكەن.  ونىڭ ايۋىنشا گەرمانيا رەسەيدىڭ  كيبەر شابۋىلدارىنا تاپ بولۋمەن قاتار، قىتايدان تونەتىن ەكونوميكالىق قاۋىپكە تۇس كەلگەن.

كەمپفنەر ماقالاسىندا: «رەسەيدىڭ ارەكەتى نەگىزىنەن ساياسي ءىس-ارەكەت، قوعامنىڭ دەموكراتيالىق جۇيەگە دەگەن سەنىمسىزدىك قالپتاسترۋعا باعىتتالاتىنىن»، «قىتاي ءاردايىم ەكونوميكالىق اكتيۆتەردى نىساناعا الىپ كەلگەننىن» اتاپ كورسەتەدى. سونىمەن بىرگە گەرمانيا ەكسپورتتىق نارىقتا قىتايعا تاۋەلدى ەكەنىن العا تارتقان. بۇل گەرمانيانىڭ ەكونوميكالىق قاۋىپسىزدىگىنە قاتەر توندىرەتىنى ءمالىم.

سونداي-اق، ماقالادا قىتايدىڭ ارەكەتى تەك ەكونوميكالىق شەڭبەردە شەكتەلىە قالماعانىن ەسكەرتەدى.  سوڭعى بىرنەشە جىلدا قىتاي «ءبىر بەلدەۋ جانە جول» سياقتى ساياساتتى ىلگەرىلەتۋ ءۇشىن نەمىس باق-مەن ىنتىماقتاستىقتى كۇشەيتكەن. قىتاي گەرمانيادا ۇزاق مەرزىمدى ستراتەگياسىن جۇزەگە اسىرۋدا، ول رەسەيدىڭ اشىق ارەكەتىنەن گورى نازىك. قىتاي ۇگىت-ناسيحات جۇمىستارىن كەڭەيتىپ، گەرمانياداعى جانە باسقا دا ايماقتارداعى بەدەلى مەن ىقپالىن كەڭەيتۋدى كوزدەپ وتىر.

زەرتتەۋگە سايكەس گەرمانيا قازىرگى ۋاقىتتا رەسەي مەن قىتايدىڭ ەۋروپاداعى ءىس-ارەكەتتەرىنىڭ ەڭ باستى نىساناسىنا اينالعانىن بىلۋگە بولادى. اتالعان بريتاندىق اناليتيكالىق ورتالىقتىڭ بۇل ەسەبىندە «قىتايدىڭ نەمىس ەكونوميكاسىنىڭ قوزعاۋشى كۇشىنە اينالا باستاۋى قاۋىپ تۋدىراتىنىن، قىتايلىق ينۆەستورلار نەمىمتىڭ كەيبىر شاعىن كومپانيالارىن ساتىپ الىپ، ونىڭ ۇستانىمىن وزگەرۋىنە تىرىسادى. سونىڭ ءوزى قىتايدىڭ ستراتەگيالىق قادامى ەكەنىنىن كورسەتەدى» دەپ سيپاتتاعان.  انىعىندا، اقش پەن گەرمانيا اراسىنداعى «ناشار قارىم-قاتىناس»، گەرمانياعا قىتاي مەن رەسەيدەن تونەتىن قاۋىپ-قاتەردىڭ ارتا تۇسۋگە سەبەپ بولىپ وتىر.

كوروناۆيرۋس پاندەمياسى ەۋروپا ەلدەرىنىڭ قىتايمەن بولاشاق قارىم-قاتىناس تۋرالى ويلاندىردى. بۇل تۋرالى مالىمدەمەدە: «قىتاي ەكونوميكاسى COVID-19 داعدارىسىندا كورسەتىلدى، نەمىس حالقىن قىتايمەن ىسكەرلىك قاتىناستاردى دامىتۋدىڭ ارتىقشىلىقتارى مەن كەمشىلىكتەرىنە كوبىرەك كوڭىل بولۋگە ءماجبۇر ەتتى. COVID-19 پاندەمياسى كەزىندە گەرمانيانىڭ مەديتسينالىق ساقتاندىرۋ مەن جابدىقتى جەتكىزۋدىڭ سەنىمدىلىگىن، ۇلتتىق ينفراقۇرىلىمنىڭ جالپى سەنىمدىلىگىن كوپتەگەن ەلدەر قايتا قارادى دەلىنگەن».

وسىعان بايلانىستى مالىمدەمەدە قىتاي مەن رەسەيدىڭ نەمىس قوعامىنا، ساياساتىنا جانە ەكونوميكاسىنا ەنۋى، ەۋروپاداعى ەڭ ءىرى ەكونوميكا گەرمانياعا قاۋىپ ءتوندىرىپ قانا قويماي، سونىمەن قاتار ەۋروپا مەن باتىس دەموكراتيالىق جۇيەسىنە دە قاۋىپ توندىرەدى.

"The Qazaq Times"