Ündistan men Qıtay arasındağı şekara qaqtığısınan keyin eki jaqtı kelissözder jürgizildi. Alayda osığan deyingi üş kezdesu oñ nätije bermedi, soğan qaramastan qos tarab törtinşi kezdesudi ötkizdi.

Särsenbide Qıtay sırtqı ister ministrligi bwl retki kelissözder şekara mäselesin şeşiude oñ nätije körsetti dep mälimdedi. Al Ündistan jağı bwl tek uaqıttıñ enşisindegi mäsele deydi.

Osı retki kelissöz 14 şilde tüsten keyin bastalğan. Kelissözderge Qıtaydıñ Oñtüstik Şıñjañ äskeri aymağınıñ basşısı Lyu Lin jäne ündi 14-armiyasınıñ qolbasşısı Harinder Singh qatısqan.

The Tribunal särsenbide kezdesu 15 sağatqa sozılğanın habarladı. Bwl bir ay bwrın eki el arasında ornalasqan Kalvan özeni mañında eki jaqtıñ äskeriler arasındağı qandı qaqtığıstan keyingi eki jaqtı kelissözder. Sol qaqtığıs barısında Ündistannıñ 20 äskerii qaza taptı, 17 adam jaralandı, al keybir sarbazdardı qıtaylar twtqınğa aldı dep mälimdedi. Al Beyjiñ bwl turalı aqparat bergen joq. Bwl soñğı 45 jıldağı Qıtay men Ündistan arasındağı eñ auır qaqtığıs boldı.

Qıtay sırtqı ister ministrliginiñ resmi ökili Hua Çun'in 15 şilde kezekti baspasöz mäslihatında:  «Qos tarap batıs şekarada jağdaydı jeñildetu jäne äskeri qolbasşılardıñ aldıñğı üş kezdesudegi talqılanğan mäselelerdi jüzege asıramız. Ündistan men Qıtay naqtı qadamdarmen eki tarap qol jetkizgen kelisimdi jüzege asıradı jäne birlesken şekara aymağında beybitşilik pen tınıştıqtı saqtaydı dep senemiz»

"The Qazaq Times"