Almatı oblısında soñğı 5 jılda turister sanı eki ese ösip, 2 mln. 227 mıñ adamdı qwradı, - dep habarlaydı Almatı oblısı äkiminiñ baspasöz qızmeti.

Oblıstıq turizm basqarmasınıñ mälimetinşe, 2019 jıldıñ qorıtındısı boyınşa oblısta turister qabıldaytın 781 nısan jwmıs isteydi. Olar 2272,3 mıñ adamğa qızmet körsetken, 2018 jıldıñ säykes merzimimen salıstırğanda ösim – 18,7%, aqılı turistik-sauıqtıru qızmetiniñ kölemi 15,9 mlrd. teñgeni qwrap, 23,3% wlğaytılğan.

Turistik nısandarğa kelsek, soñğı 5 jılda oblısta jalpı soması 40,1 mlrd. teñgege 196 turistik jaña nısan iske qosıldı, sonıñ işinde 2019 jılı oblıs kartasında soması 19,3 mlrd. teñge jeke investiciya esebinen 48 jña ornalastıru orındarı payda boldı. Sol siyaqtı biılğı jılı oblısta 4,2 mlrd. teñgege 27 turistik nısannıñ qwrılısın ayaqtau josparlanğan.  2020 jıldıñ 1-şi toqsanında Alaköl audanındasoması 110mln. teñgege 3 nısan iske qosıldı.

Tau klasteri aumağında Talğar audanındağı jwmıs istep twrğan «Oyqarağay - Aport» (1-kezeñ) jäne «Aqbwlaq» jäne Eñbekşiqazaq audanındağı jaña  «Türgen» (1-kezeñ) tau kurorttarın,  keñeytudi jüzege asıruğa qatıstı,  sol siyaqtı Rayımbek audanında jalpı qwnı 542,7 mlrd. teñge bolatın jeke investiciyağa aşılğan «Park Canyon» oyın-sauıq keşenine qatıstı iri investiciyalıq jobalardı jüzege asıru josparlanğan. Sonımen birge Alaköl köliniñ jağalauında soması 4 mlrd. teñgege jazğı amfiteatrı bar «Alakol Apartments» kottedjdi qalaşıq jobasın jüzege asıru josparlanğan.

Sonımen qatar körsetiletin qızemttiñ sapasın köteru jwmıstarı twraqtı jürgizilude. Mäselen, Qazaqstan Respublikasınıñ turistik salasın damıtudıñ 2019-2025 jıldarğa arnalğan memlekettik bağdarlaması şeñberinde gidterge – ekskursovodtarğa, ornalastıru orındarınıñ, muzeylerdiñ, memlekettik wlttıq tabiği parkterdiñ, turistik firmalardıñ ökilderine arnalğan qızmet körsetu sapasın köteru jönindegi 18 kurs pen oqıtu seminarları, sol siyaqtı äuejaylar, temir jol vokzaldarı, şekara qızmetteri men policiya qızmetkerlerine arnalğan biliktiligin arttıru treningteri wyımdastırılıp, ötkizildi. 2019 jılı biliktiligin köteru, sol qatarda cifrlıq sauattılığın arttıru kurstarımen oblıstağı turistik salanıñ 700-den astam qızmetkeri qamtıldı.

"The Qazaq Times"