«Sayasi quğın-sürgin jäne totalitarizm qwrbandarınıñ «ALJIR» memorialdı-mwrajay keşeniniñ kireberis alañı. Foto: mwrajay saytınan

Prezident Qasım-Jomart Toqaev cayasi quğın-sürgin jäne aşarşılıq qwrbandarın eske alu künine oray ündeu jariyaladı. Onda tarihi ädildikti qalpına keltiru jwmısın ayaqtau jäne quğın-sürgin qwrbandarın aqtau üşin arnayı memlekettik komissiya qwru tapsırğanın habarladı. 

«Tarihi ädildikti qalpına keltiru jwmıstarın ayaqtap, sayasi quğın-sürgin qwrbandarın aqtau üşin arnayı memlekettik komissiya qwrudı tapsırdım. Biz jazıqsız jazalanğandardıñ ärqaysısın este saqtau arqılı ğana kemel keleşekke jol aşamız. Bolaşaqtıñ berik negizi Täuelsizdikten bastau aladı. Ötken ğasırdağı eñ qilı kezeñniñ birinde jazıqsız japa şekkenderdiñ ruhına tağzım etu – barşamızdıñ perzenttik borışımız», – dedi Toqaev.

Aqorda portalında jariyalanğan Toqaevtıñ sözinşe, keñes kezinde ömir sürgen halıqtarğa «ülken terror» orasan zor qasiret äkeldi. Zwlmat jıldarda Qazaqstanğa KSRO-nıñ tükpir-tükpirinen bes millionnan astam adam jer audarıldı. 100 mıñğa juıq azamatımız quğın-sürginge wşırap, sonıñ 20 mıñnan astamı atıldı.

"Jazıqsız jazalanğandardıñ qatarında Ä. Bökeyhan, A. Baytwrsınwlı, M. Tınışbaev, M. Dulatwlı, T. Rısqwlov, M. Jwmabaev, S. Seyfullin, İ. Jansügirov, B. Maylin, S. Asfendiyarov siyaqtı körnekti memleket jäne qoğam qayratkerleri, basqa da wlt ziyalıları bar.

Otanın satqandar äyelderiniñ Aqmola lageri («ALJIR») sol jıldardağı qatıgezdik pen jauızdıqtıñ qara tañbasınday boldı. Mwnda sayasi twtqındardıñ jaqın tuıstarı, äyelderi men balaları qamaldı.

Bügin biz wjımdastıru jıldarında aştıqqa wşırağandardı, sonday-aq tuğan jerinen ketuge mäjbür bolğandardı da eske alamız. Bwl zobalañnıñ qasiretin üş millionğa juıq adam tarttı",– dedi prezident.

"The Qazaq Times"