QR ekinşi prezidenti Qasım-Jomart Toqaev. Foto: EPA/UPG

Memleket basşısı Toqaev apta basında astanadağı tergeu izolyatorında jwmbaq jağdayda köz jwmğan azamattıq belsendi Dulat Ağadil «jürek talmasınan qaytıs boldı» dep mälimdedi.

Qazaqstandıq Informburo.kz saytına bergen swhbatında Toqaev belsendiniñ ölimine baylanıstı policiyanıñ aytqan aldın ala boljamın quattadı. Bwğan deyin belsendiniñ jaqtastarı men qwqıq qorğauşılar biliktiñ mälimdemesine kümän keltirip, Ağadildiñ ölimin ädil tergeudi talap etken edi. Osı maqsatta äleumettik jeliler arqılı oppoziciyalıq jäne azamattıq küşter birlese otıra prokuratura eskertpesine qaramastan, 1 naurız küni jalpıhalıqtıq beybit mitingke şığatının habarlağan bolatın.

«İri qoğamdıq rezonans tudırğan ispen mwqiyat tanısıp şıqtım. Ökinişke qaray, belsendi Ağadil jürek talmasınan qaytıs boldı dep senimmen ayta alamın. Basqaşa twjırımdau – aqiqatqa qarsı şıqqandıq. Bärimiz Jaratuşınıñ erkine boywsınamız», – dedi «Halıq ünine qwlaq asatın memleket» twjırımdamasın wsınğan prezident.

"The Qazaq Times"