Foto: https://thenypost

Donal'd Tramptıñ saylau aldı ştabı The New York Times gazetiniñ redakciyasın «prezident turalı jalğan aqparat tarattı jäne jala japtı» dep sotqa berdi. Basılımnıñ atqaruşı redaktorı Maks Frenkeldiñ «Resey men Tramptıñ uağdalastığı qalay jüzege astı» degen maqalası prezident ştabınıñ sotqa jüginuine sebep bolğan.

N'yu-York ştatınıñ Joğarğı sotına berilgen segiz bettik talap arızda Tramp saylau ştabınıñ ökilderi New York Times AQŞ prezidentine «asa alauızdıq pen dwşpandıq közqarası tanıttı» dep jazılğan. Sonımen qatar ötken jılı qaraşada ötken Kongrestiñ aralıq saylau nätijesine bwrmalauğa tırıstı delingen.

Negizinen 1964 jılı AQŞ-tıñ Joğarğı Sotı sayasatkerler men joğarı lauazımdı şeneunikterdiñ tilşilerge ayıp tağu qwqığın şekteu turalı zañ qabıldağan. Osığan säykes, talapker sot procesi bastalğanğa deyin barlıq naqtı derekterdi wsınuı tiis.

2016 jılı qaraşada AQŞ-ta kezekti prezidenttik saylau ötti. Nätijesinde, Respublikalıq partiya wsınğan käsipker, sayasatker Donal'd Tramp jeñiske jetip, Amerikanıñ 45-şi prezidenti atandı. Sol uaqıttan beri AQŞ-tağı saylauğa Resey aralasıp, derekterdi qoldı etti degen gipoteza aytılıp keledi.

AQŞ-tağı 58-şi prezidenttik saylauğa Kreml' «qol swqtı» degen taqırıpta älem basılımdarı jarısa jazğannan keyin AQŞ Barlau qızmeti arnayı tekseru jürgizip, Reseydiñ aralasuımen jergilikti partiyanıñ serveri bwzıldı degen qorıtındı şığardı. Bwdan bölek, tekseru barısında jariyalanğan arnayı qwjatta Vladimir Putin AQŞ saylauına aralasu üşin kompaniyalarğa tikeley tapsırma bergendigi de jazılğan. Sodan beri Resey Amerika qoğamındağı bıtırañqılıqtı közdep, eldiñ işki sayasatın regresske wşıratudı közdeytindigi aytılıp ta, jazılıp ta keledi. Saylau jöninde Uaşington men Kreml' arnayı kelissöz jasağan joq degen Aq üy basşısı Donal'd Tramp ta Resey kez kelgen memleketke qarsı «agressiyalıq sayasat» wstanatındığın aytıp, birneşe märte sankciyalar engizgen.

"The Qazaq Times"