Halıqaralıq «Qazaq tili» qoğamınıñ prezidenti Ömirzaq Aytbaywlı dünieden ozdı

Wlttıq ğılım akademiyasınıñ prezidenti Mwrat Jwrınov keşe filologiya ğılımdarınıñ doktorı, QR wlttıq ğılım akademiyasınıñ akademigi, QR äleumettiñ ğılımdar akademiyasınıñ akademigi, Halıqaralıq «Qazaq tili» qoğamınıñ prezidenti, terminolog Ömirzaq Aytbaywlı qaytıs bolğanın ayttı. 

Ömirzaq Aytbaywlı Aytbaev 1936 jılı 5 säuirde Oñtüstik Qazaqstan oblısı qazirgi Otırar audanı Baltaköl auılında düniege kelegen.

Bwrınğı S.Kirov atındağı Qazaq memlekettik universitetin (äl-Farabi atındağı Qazaq wlttıq universiteti) tämamdağan. Filologiya ğılımınıñ doktorı, professor, QR Ğılım akademiyasınıñ korrespondent-müşesi, QR Äleumettik ğılımdar akademiyasınıñ akademigi.

1959-1962 jıldarı - «Socialistik Qazaqstan» gazetiniñ ädebi qızmetkeri. 1962-1999 jıldarı - Qazaqstan Ğılım akademiyası Til bilimi institutınıñ kişi, ağa ğılımi qızmetkeri, bölim meñgeruşisi, ağa, bas ğılımi qızmetkeri. 1995-1996 jıldarı - Qazaq memlekettik qızdar pedagogikalıq institutınıñ professorı. 1997-1998 jıldarı - Q.A.YAssaui Halıqaralıq qazaq-türik universitetiniñ professorı. 1999 jıldan - «Qaynar» universitetiniñ qazaq tili jäne ädebiet fakul'tetiniñ, filologiya fakul'tetiniñ dekanı, Qazaqstan Respublikasınıñ Bilim jäne ğılım ministrligi Til bilimi institutınıñ Terminologiyalıq ortalığınıñ direktorı qızmetterin atqarğan.   A.Baytwrsınwlı atındağı Til bilimi institutınıñ bas ğılımi qızmetkeri, halıqaralıq «Qazaq tili» qoğamınıñ prezidenti. «Qwrmet», «Parasat» ordenderimen marapattalğan.

Ö.Aytbaywlınıñ ğılımi zertteuleri, şığarğan kitaptarı, qoğamdıq qızmeti turalı äriptesteri tarapınan äldeneşe ret baspasöz betterinde jılı lebizder, jağımdı pikirler aytıldı, al änşilik-dombıraşılıq  önerdegi qırların önertanuşılar asa joğarı bağaladı.

Ö. Aytbaywlınıñ ğılımi-zertteu, tälimgerlik-wstazdıq, qoğamdıq qızmetinde äli de mol eñbekter bereri sözsiz. Akademiktiñ didarğayıp äñgimesin mına siltemeden körip tıñdauğa boladı.

Akademiktiñ qazasına baylanıstı redakciya atınan marqwmnıñ tuıstarı men otbası müşelerine qayğıra köñil aytamız.

"The Qazaq Times"