Foto: zhaikpress.kz/

Bıltır Almatı oblısında Orbwlaq şayqasınıñ tarihi rekonstrukciyası sahnalandı. Bwl şaranı orındauşı "Almatı oblısı boyınşa "Ruhani jañğıru" jobalıq keñsesi" jauapkerşiligi şekteuli seriktestigi. Tapsırıs beruşi "Almatı oblısınıñ işki sayasat basqarması" memlekettik mekemesi. Şara byudjettik qarajattar esebinen qarjılandırılğan. Memlekettik satıp alu portalında is-şaranı ötkizu boyınşa qızmetterdiñ körsetilgen soması 98 813 978 teñge. Şart 2019-08-22 küni jasalğan. Al 2019-08-28 bastap ""Almatı oblısı boyınşa "Ruhani jañğıru" jobalıq keñsesi"" jauapkerşiligi şekteuli seriktestigi Orbwlaq şayqasınıñ tarihi rekonstrukciyasına qatıstı jwmıstar, tauarlar men qızmetterdi wsınu boyınşa lottardı jariyalay bastaydı.

Lottarğa kirispes bwrın jalpı şaranıñ maqsatın tüsinuge tırısayıq. "Jalpı altı jüz batır 50 mıñ joñğarğa toytarıs bergen Orbwlaq şayqası" 2015 jılı da sahnalanğan bolatın. Al 2019 jılı şaranı qayta ötkizuge ne türtki boldı degen swraqtıñ jauabın şaranıñ tehnikalıq specifikaciyasınan  izdeuge tırıstıq.
Sonımen "festival'diñ maqsatı – wlttıq mädenietti saqtau, prezident N. Ä. Nazarbaevtıñ  «Bolaşaqqa bağdar: ruhani jañğıru» bağdarlamalıq maqalasın jüzege asıru, wlttıq biregeylikti saqtau, bäsekege qabilettilik. Orbwlaq şayqası rekonstrukciyasın jäne birqatar etnooyındardı  jürgizu. Wlttıq mädeni dästürler men ruhani – adamgerşilik qwndılıqtardı ilgeriletu üşin Instagram äleumettik jelisinde jäne YouTube älemdik beyne-hostinginde qısqa rolikterdi tüsiru.

Festival'diñ mäni – Prezident N. Ä. Nazarbaevtıñ  «Bolaşaqqa bağdar: ruhani jañğıru» bağdarlamalıq maqalasın jüzege asıru, wlttıq mädenietti saqtau jäne Almatı oblısında oqiğalı turizmdi damıtu bağıtı retinde köpsalalı (köpjosparlı, köpjaqtı) festival' bolıp tabıladı". (derekköz: https://goszakup.gov.kz/ru/egzcontract/cpublic/units/8419990 saytında jariyalanğan tehnikalıq specifikaciya)

Tehnikalıq specifikaciyada körsetilgen maqsattıñ orındalğan ne orındalmağanın tekseru mümkin emes. Bwl şaradan wlttıq mädeniet saqtalıp qaldı ma, şarağa qatısqan adamdar ruhani jañğırdı ma, wlttıq dästürler men adamgerşilik qwndılıqtar ilgeriledi me naqtı aytu mümkin emes. Sondıqtan ""Almatı oblısı boyınşa "Ruhani jañğıru" jobalıq keñsesi"" jauapkerşiligi şekteuli seriktestigi jariyalağan lottarğa toqtalayıq.

Qızıqtı lottardıñ arasında XVII ğasırdıñ orta şenindegi qazaq älde joñğarlardıñ şaş ülgisin qoyatın şaştarazdıñ bir kündik qızmeti - 270 mıñ teñge. Maldı 12 mln teñgege jalğa alu. Jalğa alğan malğa jem-şöp alu siyaqtı lottar bar. Osı festival' ayasında ötkizilgen tağı bir şara Bauırsaq pati dep ataladı. Bwl küni atşabar aumağında  2 tonna bauırsaq pisirilip, Qazaqstannıñ rektordtar kitabına endi dep habarlanıptı 24.kz telearnasınıñ saytında. Bwl bauırsaq patige 1 200 000 teñge jwmsalğan (bauırsaqtıñ 6 türinen 2 mıñ tonna dayındalıptı). Bauırsaq patidi ötkizu üşin ıdıs-ayaqtardı jalğa alu 130 mıñ teñgege şığıptı. Bauırsaq pati şarasın orındauşı JK Taybagarov Maulen Tulegenoviç (şart № 190140019962/190051/00). Jalpı osı jeke käsipker Taybağarov 1 jıl işinde Almatı oblısınıñ Ruhani jañğıru keñsesi men Almatı oblısı işki sayasat bölimine 3 612 030 teñgege qızmetter wsınğan.  Bwl jeke käsipkerdiñ aynalısatın şaraları da nazar audararlıq. «Orbwlaq şayqasınıñ tarihi rekonstrukciyası - 2019» is-şarasına kömek körsetu üşin ärtürli jwmıstı atqaratın jwmısşılar qızmetterine 690 000 teñge alğan. Sän älemimen de baylanısı bar siyaqtı. Osı festival'de käsipker Taybagarov Maulen Tulegenoviç "Aya Bapani joğarı sän körsetu kollekciyasın ötkizu" boyınşa 1 200 000 teñgelik lotın alıptı (şart nomeri  № 190140019962/190048/00). Qızıqtısı kollekciyasın ötkizu, model'derdiñ sahnağa şığuın basqa käsipker, model'der Aya Bapanidiñ qatısuın wyımdastıratın basqa käsipker. Kutur'e Aya Bapanidi jetkizgen JK Kişon bwl qızmeti üşin tağı da 1 200 000 teñge alğan. Osınau dürildegen şarada kartonnan jasalğan batırlar beynesine deyin byudjetke salmaq tüsiretinin atap ötu kerek. Mäselen, kartonnan jasalğan han müsini 929 mıñ, jauınger müsini 600 mıñ twradı.

Bwl materialda halıqqa mwnday ruhani jañğıru kerek pe joq pa degen swraqtı qoymaymın. Tek osı bolaşaqqa bağdar jasağanda onıñ byudjetine de nazar audartpaq edik.

"The Qazaq Times"