Belarus' prezidenti Reseymen sauda teñsizdigin sınğa aldı. Belarus tauarları Resey bazarlarına jetpey jatqandıqtan, sauda teñsizdigi är jılı 9 mlrd AQŞ dolların qwrap otırğanın ayttı.

«Qanday da bir wyımdarğa nazar audarsañız, ay sayın, jıl sayın jaqsarıp jatqanın köresiz. Al, bizde ne bolıp jatır? Bizge jıl sayın jaña şarttar qoyıp jatır. Nätijesinde biz ekonomikalıq şığın tartıp otırmız», – dedi Belarus' prezidenti Aleksandr Lukaşenko

Qazir Resey men Belarus' arasında arnayı jwmıs tobı qwrılıp, olar integraciyanı tereñdetu boyınşa jol kartasın dayındap jatqanı belgili. Taraptar bwl qwjatqa 8 jeltoqsan qol qoyuı mümkin eken. Biraq, Lukaşenko kelisimder eliniñ Ata zañına (kostituciyasına) qayşı bolatın bolsa, birde bir kelisimge qol qoymaytının eskertti.

«Şıbın tuladı eken dep şını sınbas». Lukaşenkonıñ anda-sanda Reseyge körsetetin oqıs minezin keybir sarapşılar el işindegi sayasi wpay üşin jasalğan dep sanaydı. Aytalıq, kezekti batıl pikirleri aldağı prezident saylau aldındağı «ball jinau» üşin jasap otırğan äreketi dep esepteydi.

Dey twrğanmen, Resey bas bolğan Euraziya Ekonomikalıq odağı töñireginde Lukaşenkonıñ aytıp otırğan uäji şın. Reseyden özge barlıq elderde de osınday sauda teñsizdigine wşırap otır. Paydanı orıs tauıp, özgesi şınğın arqalaytın odaqtıñ erejeleri de qwbılmalı.

Ötken aptalarda Resey Qazaqstan men Qırğızstannan kirgen 138 tonna kökönis, jemis-jidek önimderin şekarasınan kirgizbey tastadı. Ondağı uäji qwjattarı tolıq emes jäne sapa tolımdılığı joq degen.

Reseydiñ özine ıñğaylı erejeler arqılı sauda teñsizdigin tudırğan äreketterine qarap Lukaşenko: «Bwnday odaqtıñ ne keregi bar!», – degen pikirin de aytqan.

“The Qazaq Times”