"Zerdeli" Almatıda aşıldı. Foto: QT.

Bügin, Almatı qalasında mektep oquşıların türli pänderde tereñdey oqıtuda üzdik täjiribege ie «Zerdeli» aqıl-oy damıtu ortalığı aşılu saltanatın ötkizdi. Bwğan deyin elordamızda atalğan bilim oşağınıñ altı birdey ortalığı jwmıs istep kelgen.

Aşılu saltanatında fizika-matematika ğılımdarınıñ doktorı, professor Asqar Jwmadildaev pen «EDTECH-KZ» halıqaralıq bilim beru ortalığınıñ bas direktorı Ğani Beysembaev jäne «Altın saqa» olimpiadasınıñ demeuşisi, «Er Jänibek» halıqaralıq qoğamdıq qorınıñ prezidenti Jeñis Türkiya mırza, sonday-aq, birqatar qoğam qayratkerleri men ziyalı qauım ökilderi boldı. Almatıda aşılıp otırğan ortalıqtıñ twsauın professor Asqar Jwmadildaev pen YUNESKO klubınıñ jetekşisi Ğani Bektaywlı kesti.

Asqar Serikwlı balalarğa bilim berudiñ mañızdılığı turalı söylep twır. Foto: QT7

Aşılu saltanatınan keyin 6 sınıpqa deyingi oquşılar arasında ötken «Altın saqa» qalalıq olimpiadasınıñ jüldegerleri jäne olardıñ wstazdarın marapattau räsimi ötkizildi. Jüldeli 4- orın iegerleri Qazaqstan Matematika päni mwğalimder qauımdastığınıñ vice-prezidenti Baqnwr Ziyabek mırzanıñ qolınan «Zerdeli» ortalığında 1 jıldıq bilim aludıñ 30 payızdıq jeñildik sertifikatın aldı. 3- orın iegerleri 5 mıñ teñge aqşalay sıylıq jäne «Zerdeli» ortalığında bir jıldıq oqudıñ 40 payız jeñildik sertifikatın ieledi. Bwl qatardağı jüldegerlerdi atalğan olimpiadanıñ ötuine demeuşilik etken «Şipa-Med» halıqaralıq medicinalıq ortalığınıñ direktorı Qwrmanbek Aymolla mırza marapattadı.

10 mıñ teñge aqşalay sıylıq jäne ortalıqta bir jıl oqudıñ 50 payız jeñildik sertifikatın ielegen 2 - orın jüldegerlerine Ğani Bektaywlı sertifikattarın tabıstasa, olimpiada demeuşisi Golden Bridge kompaniyasınıñ direktorı Bolatbek Dälelhan mırza aqşalay sıylıqtarın tabıs etti.

«Altın saqa» qalalıq olimpiadasınıñ 1- orın ielegen oquşılar 30 mıñ teñge aqşalay sıylıq pen jäne ortalıqtıñ bir jıldıq oquına 60 payız jeñildik sertifikatımen marapattaldı. Bwğan qosa jüldeli oquşılardıñ wstazdarı 20 mıñ teñgeden aqşalay sıylandı. Aldınğı qatarlı jüldegerlerdi professor Asqar Serikwlı men «Er Jänibek» qorınıñ prezidenti Jeñis Türkiya mırza marapattadı.

Olimpiada jüldegeoerderi jäne onıñ wstazdarı marapattaldı. Foto: QT.

Bwdan keyin «Altın saqa» olimpiadasında komandalıq esepte eñ köp orın alğan mektepter marapattaldı. «Altınsaqa» kubogın qalalıq №173 mektep ielendi.

Ayta keteyik, mektep jasındağı balalardı türli pänderde tereñdey oqıtuğa arnalğan «Zerdeli» aqıl-oy damıtu ortalığında Qazaqstandağı eñ üzdik mwğalimder sabaq berip keledi. Ortalıqta 120 mwğalim qızmet etedi jäne 2 mıñnan atsam oquşı bilim aladı. Jıl sayın üzdik JOO jäne tüyindi mektepterge qabıldanatın şäkirtter sanı da eñ joğarı oqu ortalığı sanaladı.