Naurız atamzamannan kele jatqan adamzat merekesi.

Merekelerdiñ töresi jäne eñ könesi, jer ananıñ omırauı iip, twla boyı isinetin, tabiğat jan-düniesimen jadırap, özeginen qauaşaq jarıp, kökörim ömirdiñ närin köktetetin, tirşilik bitkenniñ tulay aqqan qanın jañaşa jasartatın, eñ bastısı jasandı emes, tabiğattıñ özi, Täñirdiñ qalauımen toylanatın tekti mereke.

Naurız – jeti dämnen närli köje jasap, jattıñ da jaqınnıñ da bir-birine däm tatqızatın, aq dastarqan basında alqa-qotan birge as işetin ıntımaq penbirliktiñ merekesi. Naurız – jıl boyı ötken-ketken renişti keşirip, än-küymen, oyın-sauıqpen jandı jadıratıp, sananı serpiltetin köñil-küydiñ merekesi.

Jaña jıl – Wlıstıñ wlı küni Naurız merekesi qwttı bolsın! Barşañız adamdıq igilikterdiñ eñ qwttı da quanıştı, ırıstı da tınıstı jaqsılıqtarımen qauışıñızdar! Äz Naurız qwttı bolsın, Qazaq eli!

“The Qazaq Times”