Iran SİM Türkiyanıñ Süriya jerindegi şabuıldarın tez arada toqtatıp, äskerilerin şığaruı qajettigin quattap, Türkiyanıñ qauipsizdikke qatıstı alañdauşılıqtarın tüsinetinin mälimdedi. Bwl turalı Parsı aqpartatı habarladı.

Iran SİM bügin beysenbi küni mälimdeme jariyalap, Türkiyanıñ Süiriya aumağına jasağan äskeri äreketine alañdauşılıq bildirip: «Äskeri äreket Türkiyanıñ qauipsizdikke qatıstı alañdauşılığın şeşpeuimen qosa materialdı jäne adami şığındarğa soqtıradı. Sol sebepti Iran bwl äreketke öziniñ qarsılığın jariyalaydı. Aymaqtıñ qazirgi jağdayı aymaqtan tıs elderdiñ, äsirese Amerika tarapınan jasalğan aralasuşılıqtardıñ saldarı. IIR mäselelerdi aymaq äleuetteri ayasında şeşuge negizdelgen közqarasımen Türkiya men Süriya arasında kez kelgen röl atqaruğa äzirligin jariyalaydı. Qazirdiñ özinde eki jaqpen de baylanısta. Bwl mäsele tek beybit şaralar arqılı jäne Süriyanıñ wlttıq egemendigi men aumaqtıq twtastığın qwrmetteu jäne Adana kelisimi arqılı şeşiledi» dedi.

“The Qazaq Times”