«Iran atom qaruın saqtap, qarjı şığındamaydı». Bwnday mälimdemeni irandıq ğalımdarmen kezdesu kezinde eldiñ ruhani kösemi ayatolla Hameney jasadı.

Iran dini kösemi sonday-aq, atom qaruın jasau jäne paydalanu şariğat boyınşa haram ekenin qaytalay eskertken. «Biz haram närseni şığarıp, onı saqtau üşin qarjı jwmsamaymız», – dedi Hameney kezdesude.

Kezdesudegi sözinde Hameney Irandağı ğılım ökilderine türli salada ğılımi jañalıq aşuğa, eldiñ medicinasınan tartıp, öndirisi men qorğanısın damıtu üşin ğalımdarğa mümkindik beretinin, ükimettik qoldau körsetetinin jetkizgen.

Qazir Iran AQŞ-tıñ ekonomkalıq sankciyalarına baylanıstı dağdarıstı küyde ekeni belgili. Mwnay eksportınan tartıp, medicina salasına deyin sankciyanıñ ıqpalına wşırağan. Elge iri kölemde investiciya saluğa kelisim bergen şeteldik kompaniyalardıñ basım köbi AQŞ sankciyasınan keyin kelisimderden bas tarttı.

“The Qazaq Times”