Bügin äl-Farabi atındağı Qazaq wlttıq universitetiniñ jurnalistika fakul'tetinde äygili fotojurnalist Saylau Pernebaevtıñ 80 jıldığına oray «Qas qağım sät» attı fotokörmesi qoyıldı.

Fotokörme qoğamdı otandıq fotojurnalistika negizin qalauşı tilşiniñ şığarmaşılıq mwrasımen tanıstıru maqsatında köpşilik nazarına wsınılıp otır.

Sanalı ğwmırınıñ 40 jıldan astamın fotojurnalistikağa arnağan Saylau Pernebaev qatalğan salanıñ Qazaqstanda qalıptasuına ayrıqşa üles qostı. Respublikalıq «Qazaqstan mwğalimi», «Socialistik Qazaqstan» (qazirgi «Egemen Qazaqstan») basılımdarında qızmet etti. 1981 jıldan zeynetkerlikke şıqqanğa deyin «Qazaq ädebieti» gazetterinde fototilşi qızmetin atqardı.

Eñbekteri odaqtıq gazet-jurnaldardıñ konkurstarında 16 dürkin bas jüldeni jeñip alğan fototilşiniñ äraluan taqırıptardı qamtığan köptegen fotosuretteri är jıldarı «Pravda», «Izvestiya», «Komsomol'skaya pravda», «Trud», «Literaturnaya gazeta» gazetterinde jii jariyalanıp twrdı. Sonday-aq, Franciyanıñ, Kubanıñ, Germaniyanıñ gazet-jurnaldarında birneşe ret jarıqqa şıqqan.


Qas qağımdı qalt jibermegen fototilşiniñ eñbekterimen köpşilik qauım wlttıq universittiñ jurnalistika fakul'tetinde tanısa aladı.

"The Qazaq Times"