Resey men Iran SİM basşıları. Foto: IRNA

Resey men Iran ortasında Parsı şığanağına qatıstı keşendi kelisimder jasaldı. Mäskeude bas qosqan eki eldiñ SİM basşıları Parsı şığanağınıñ qauipsizdigin qamtamasız etu üşin ıntımaqtastıq ornatuğa kelisim berdi. Bwl qazirgi uşığıp twrğan şığanaq mäselesinde Reseydiñ de oyınşı retinde aralasuı mümkin ekenin körsetedi.

Resey SİM basşısı Sergey Lavrovpen birige ötkizgen baspasöz jiınında Iran sırtqı ister ministri Mwhammad Javad Zarif eki eldiñ köptegen halıqaralıq mäselelerde ortaq közqarasqa ie ekenine köbirek toqtaldı. Äri, Iran Parsı şığanağındağı Reseydiñ müddesin qoldauşı el ekenin aytıp ötti.

Eki eldiñ SİM basşıları AQŞ-tıñ Parsı şığanağındağı äreketteri turalı ortaq pikirde ekenin bildirdi. Olardıñ oyınşa AQŞ-tıñ Parsı şığanağına kirui aymaqtıñ twraqtılığına ziyan keltiredi.

Öz kezeginde Lavrov Parsı şığanağınıñ qauipsizdigin qamtamasız etuge Reseydiñ de müddeli ekenin jetkize kelip, şığanaq qauipsizdigi aymaq qana emes, Batıs Aziya men Europa üşin de asa mañızdı degen pikirin ayttı.

Iran men AQŞ qatınasınıñ uşığuına baylanıstı Parsı şığanağındağı dağdarıs küşeydi. Ondağı mwnay tasımalı Europa men Aziya elderi özge de alıs qwrlıq elderi üşin de asa mañızdı ekeni belgili. Şığanaqtıñ batıs jiegi arab elderi bolsa, şığısı Iran. Alayda, Iran şığanaqtıñ basım köp bölegine öz baqılauın jürgizip keledi. Öñirdegi eñ ülken strategiyalıq qarsılası Saud Arabiyası AQŞ-tıñ odaqtası sanalatındıqtan, Tehrannıñ bwl qadamı Reseydi oyınğa tartu dep bağalauğa boladı.

“The Qazaq Times”