Qazaqstannıñ Moñğoliyadağı elşisi auıstı. Foto: AQORDA.

Qazaqstannıñ Moñğoliyadağı Tötenşe jäne ökiletti elşisi bolıp Jalğas Ädilbaev qızmetke kiristi. Memleket basşısınıñ jarlığımen jaña elşiniñ tağayındalğanın QR SİM resmi saytı habarlağan bolatın. 

Jalğas Jwmawlı. Foto: QR SİM.

Atırau oblısınıñ tuması Jalğas Jwmawlı Ädilbaev 1964 jılı tuğan. Qazaqstan Respublikası Sırtqı ister ministrliginde 1998 jıldan beri qızmet atqarıp kelgen. Ol diplomatiyalıq qızmetin Memlekettik protokol basqarmasında bastağan. 2000 jılı QR SİM-niñ Memlekettik protokol bölimin basqardı.

Moñğoliyadağı elşilik qızmetine deyin Jalğas Jwmawlı Sırtqı ister ministrliginiñ Erekşe tapsırmalar jönindegi elşisi qızmetinde bolğan. Ağılşın tilin meñgergen ol İİ sınıptı Tötenşe jäne ökiletti Uäkil diplomatiyalıq därejesine ie.

“The Qazaq Times”