Foto: http://bigasia.ru

Japoniya men Ündistan birlese otırıp 2023 jılı jaña pilotsız apparattı Ayğa qondırmaq. Yomiuri shimbun basılımınıñ habarlauınşa, atalğan qondırğı Oñtüstik polyusti zertteuge bağıttalğan.

Ortaq missiya üşin japon tarabı N-3 auır raketasın, al Ündistan qondırğınıñ işki apparatın jasaydı. Mälimetter boyınşa, bwl qondırğı 22 şildede Ayğa wşırılğan «Çandrayan-2» modul'imen wqsas. Raketa jerge qonu nüktesinen 500 m radiusta qozğala aladı, sonday-aq onı su közderin tabuğa arnalğan qwrılğılarmen jabdıqtau josparlanğan. Bwl – birlesken missiyanıñ negizgi mindeti. Aydıñ Oñtüstik polyusinde kün säulesi tüspeytin kraterler bar. Ğalımdar kraterlerdiñ mwz boluı ıqtimal deydi.

Ündistandıq «Çandrayan-2» ğarışqa 22 şildede wşırılğan. Ol orbitalıq jäne qonu modulinen twradı. Apparat 2008 jılı jer serigine jiberilgen «Çandrayan-1» modul'imen wqsas. Endi Japoniyamen birlesken jaña missiya sätti jüzege assa, Ündistan Ayğa qonudı jüzege asırudan älemniñ törtinşi eli (AQŞ, Resey jäne Qıtaydan keyin) atanbaq.

"The Qazaq Times"