Photo: primorsky.ru

Jurnalister küni qarsañında jariyalanğan din salasındağı özekti mäseleler turalı birneşe nominaciyalar boyınşa üzdik materialdar bayqauına şığarmalar qabıldau äli de jalğasıp jatır. Bwl bayqaudıñ bir erekşeligi, oğan tek jurnalister ğana emes, din taqırıbına qalam terbep jürgen ğalımdar men kösemsözgerler de qatısa aladı.

Bayqaudı Almatı qalası Qoğamdıq damu basqarmasınıñ qoldauımen 2019 jıldıñ 1 mamırı men 1 qazanı aralığında Wlttıq jurnalistik zertteu ortalığı wyımdastırıp otır. Jeñimpazdardı marapattau 18 qazan – QR Ruhani kelisim küni merekesi qarsañında Almatı qalasında ötedi. Bayqau jeñimpazdarı bağalı sıylıqtarmen marapattaladı.

Bayqaudıñ maqsatı:

- Qazaqstan Respublikası jwrtşılığınıñ nazarın din salasındağı memlekettik sayasattıñ özekti mäselelerine audaru.

- Bwqaralıq aqparat qwraldarı, yağni jurnalister arqılı twrğındardı memlekettik sayasattıñ din salasındağı är türli bağıttarı, qoğamdağı konfessiyaaralıq kelisimniñ nığaytıluı jäne saqtaluına bağıttalğan mañızdı is-şaralar jöninde habardar etu.

- Din salasındağı özekti mäseleler boyınşa materialdardı jariyalaytın BAQ men jurnalisterdi qoldau.

Bayqau nominaciyaları:

Dini ekstrmemizmniñ aldın aluğa baylanıstı bayqau kelesi nominaciyalar boyınşa jürgiziledi:

  • eñ üzdik televiziya janrı;
  • eñ üzdik radio janr;
  • merzimdi baspasözdegi qazaq tilindegi eñ üzdik publicistikalıq maqala;
  • merzimdi baspasözdegi orıs tilindegi eñ üzdik publicistikalıq maqala;
  • internet-resurstağı qazaq tilindegi eñ üzdik maqala;
  • internet-resurstağı orıs tilindegi eñ üzdik maqala;
  • äleumettik jelidegi eñ belsendi qoğamdıq top;
  • internet jelisindegi eñ üzdik beynerolik;
  • eñ belsendi bloger;
  • eñ üzdik fotoreportaj.

Jeñimpazdardı barlıq nominaciyalar boyınşa bağalı sıylıqtarmen marapattau, sonımen qatar 5 (bes) ıntalandıru sıylığı;

Bayqau şarttarı:

Almatı qalasında tirkelgen nemese tilşiler qosını bar BAQ-tağı kez kelgen jurnalist, sonday-aq ğalım, kösemsözger, qalamger qatısa aladı. BAQ basşılığınıñ rwqsatı talap etilmeydi. Bayqau eki tilde ötedi.

Bayqauğa 2019 jıldıñ 1 mamırınan bastap 1 qazan aralığında jariyalanğan materialdar qabıldanadı.

Bastı qoyılatın talap – Qazaqstannıñ zayırlı memlekettik qwrılımın qarapayım äri wğınıqtı tilmen tüsindiru, memlekettik sayasattıñ zañnamalıq talaptarın wğındıru, din atın jamılğan ekstremistik ağımdardı äşkereleu, dästür men dinniñ özara baylanısın jetkizu, dini ekstremizmniñ aldın alu, teris dini toptardıñ ideologiyası men olardıñ ziyandığın aşıp körsetu.

Qandayda bir dini wstanımdı nemese dindi nasihattauğa bağıttalğan materialdar qabıldanbaydı.

Bayqauğa qatısuşılar Wyımdastıru komitetiniñ uzhzo2005@mail.ru elektrondı poştasına (baylanıs telefonı: 87775654078) mınaday materialdardı jiberui tiis:

1). Avtor turalı mağlwmat /tuğan jeri, küni, ayı, jılı, telefon/;

2). Bayqau materialı jariyalanğan BAQ-tıñ pdf-nwsqası nemese skrinşotı, portal-sayttağı materialdıñ skrinşotı nemese elektrondı siltemesi (bar bolğan jağdayda), tele-radio bağdarlamalardıñ mp4-nwsqası nemese elektrondı siltemesi (bar bolğan jağdayda);

3). Avtor är nominaciyağa 1 nemese 2 material wsına aladı;

4). Bir avtor birneşe nominaciyağa qatısa aladı;

5). Barlıq materialda bayqaudıñ qanday nominaciyasına wsınılatını turalı aqparat boluı mindetti. Nominaciyası körsetilmegen material bayqauğa jiberilmeydi.

Bayqau kezeñderi:

  1. Bayqauğa qatısuşılardan materialdardı qabıldau (1 qazanğa deyin);
  2. Materialdardı saraptau jäne jeñimpazdardı anıqtau (1-10 qazan aralığı);
  3. Bayqau jeñimpazdarın saltanattı marapattau (Ruhani kelisim küni qarsañı).

Bayqau jeñimpazdarın marapattau:

Bayqaudı wyımdastıru komiteti jürgizip, jeñimpazdardı 5 nemese 7 adamnan twratın qazılar alqası tañdaydı. Alqa bayqau marapatı bastalğanşa qwpiya türde saqtaladı. Bayqauğa wsınılğan materialdar qaytarılmaydı. Bayqau jeñimpazdarı arnayı nominaciyalar boyınşa tağayındalğan aqşalay jüldelermen jäne arnayı diplomdarmen marapattaladı.

Wyımdastıru komiteti

87775654078

"The Qazaq Times"