Foto: https://glavcom.ua

Ukraina prezidenti Vladimir Zelenskiy Çernobıl'di turistik aymaq dep tanu turalı qaulığa qol qoydı.

Ukrainform saytınıñ mälimetinşe, endi atalğan aymaqqa turister erkin qatınaytın boladı. Çernobıl' atom elektr stanciyasınıñ üstine salınğan jaña sarkofagtı aşu räsiminde söz öylegen Zelenskiy: «Bwl qaulım oqşau jatqan aymaqtı Ukraina damuınıñ bastauı bolatınday etip türlendiredi. Jemqorlıqqa itermeleytin, aqılğa qonbaytın tıyımdar alınıp tastaladı. Endi Çernobıl' investiciya men bolaşağı zor Ukraina azattığınıñ simvolına aynaladı», – dedi.

Biıl mamırda amerikalıq HBO telearnası atom stanciyasındağı apat turalı bayandaytın «Çernobıl'» serialın köpşilik nazarına wsınğan. Atalğan serial IMDb saytı qoldanuşılarınıñ bağasımen serial tarihtağı eñ mıqtı 250 serial tiziminde birinşi orınğa şıqtı. Fil'mnen soñ Ukrainadağı apat ornın köruge kelgen turister sanı kürt ösken. Ukraina prezidenti Zelenskiydiñ jaña qaulı qabıldauına turisterdiñ artuı da sebep bolğan.

1986 jılı 26 säuirge qarağan tüni Çernobıl' atom elektr stanciyasınıñ törtinşi energetikalıq blogında jarılıs bolıp, Europanıñ 200 mıñ şarşı şaqırım jeri, äsirese Ukraina, Resey jäne Belarus' aumağı radioaktivti zattarmen lastandı. Çernobıl' AES-tağı jarılıs – keltirgen zalalı men saldarı jağınan XX ğasırdağı eñ iri tehnogendik radiaciyalıq apat. Birikken Wlttar Wyımınıñ 1995 jılğı esebi boyınşa, Çernobıl' atom elektr stansasındağı apattan 9 million adam zardap şekken. Onıñ 4 millionı 14 jasqa deyingi balalar. Düniejüzilik densaulıq saqtau wyımı radioaktivti elementtiñ qwramında adam ağzasında qaterli isik auruların tudıratın ceziy – 143, yod –131 tüzilimderi bolğanın anıqtap otır. Bügingi küni radiaciyanıñ deñgeyi tömendedi. Degenmen, qorğanıs şaraları sol qalpında saqtalğan.

"The Qazaq Times"