AQŞ armiyasınıñ auır äskeri tehnikası, Foto: Breaking News

AQŞ-Koreya birlesken armiyasınıñ äskeri oqu-jattığular seriyası tarihtağı eñ joğarı deñgeyge jetti. Bwl retki birlesken oqu-jattığuğa AQŞ armiyasınıñ «Karl.Vinson» aviamatkasın, B-52 strategiyalıq bombılauşı wşağın, yadrolıq suastı kemelerin jäne basqa da ozıq soğıs qaruların  iske qosuı, oqu-jattığu sipatın asa qaterli küyge özgertti. Onsızda bülingeli twrğan Şığıs-Aziya jağdayın «Sad» zımıranğa qarsı jüyesi de ayranday iritude. Bügingi älem aqparat qwraldarınıñ habarına Soltüstik Koreya da qarap jatpay, ballistikalıq zımırandarın atqan.

Şığıs-Aziya qayşılığı ejelden kürdeli, sezimtal küyde kele jatqan edi. AQŞ-Koreya birlesken oqu-jattığuı bastalğan alğaşqı künde-aq tübektiñ atmosferası küreñitip sala berdi. 1 naurız – 30 säuir aralığında ötetin äskeri-oqu jattığu, masştabı jağınan biılğı jıldıñ rekordın körsetip twr. Japoniya «Kioto»  aqparattıq ortalığınıñ habarlauınşa ötken jılı äskeri jattığuğa qatısuşılar şamamen 317 mıñ adam bolğan. Alayda, biılğı körsetkiş odan eselep asıp ketui mümkin dep otır.

Şetel BAQ-ında AQŞ armiyasınıñ «Karl.Vinson» aviamatkasımen birge, AQŞ äskeri bazasındağı «Ronal'd Reygan» avianoseci de jetkizilui mümkin degen boljam bar. Qwrama Ştattıñ eki birdey auır äskeri tehnikası Şığıs-Aziyağa kelui, AQŞ armiyasınıñ asa ülken eki äskeri bazasınıñ köşip keluimen birdey. Sebebi, bwl aviamatkalardıñ bireuinde,  su üsti soğıs tehnikasın qospağan künniñ özi de, 50 soğıs wşağı, 3000-nan asa äskeri qızmetker boladı. Şığıs Aziyadan AQŞ-tıñ eki birdey alıp aviamatkasınıñ payda boluı, tarihta da öte sirek bolğan. Al bwlarğa B-1B bombılauşı wşağı men B-52 alıs aralıqtı strategiyalıq bombılauşı wşaqtarınıñ da bar ekenin qosar bolsañız, bwl retki birlesken äskeri oqu-jattığudıñ salmağın tolıq tüsindire aladı. Mwnday äskeri auır tehnikalarınıñ tartıluı, AQŞ armiyasınıñ negizi sanalatın F-22, F-35B şabuılşılarınıñ tabiği türde bolatının körsetedi.

Osınşalıq äskeri tehnika men qarulı qosın irgesine kelip jatqan da Soltüstik Koreya, Qıtay, Resey qorğanıs küşterdi şwğıl küyde dayındap otırğanı anıq. Qıtaydıñ bergen jauabı äskeri quattı 7 esege arttıru bolsa, Resey Japonnıñ soltüstigindegi araldarğa aparğan äskeri qosındarımen jauap berdi. Eñ batıl jauap qayırğan Soltüstik Koreya boldı. Bügin tañerteñ ballistikalıq zımıranımen birge tört birdey zımıran atıp ses körsetti.  Sonımen, arısı twtas Şığıs-Teristik Aziya, qala berdi Korey tübegi bir sätte-aq soğıs bwrq etu aldında twr.

“The Qazaq Times”