Gonkongtegi auqımdı narazılıq Şi Jinpiñ rejiminiñ imidjin älsiretti

Mausım ayında Gonkongte bolğan massalıq ereuilder älem nazarın özine audardı. Milliondağan adam qatısqan halıqtıq ereuilden keyin bilik ekstradiciyalau turalı jaña zañ jobasın qabıldaudı uaqıtşa toqtattı. Tipti, Gonkong ükimeti resmi mälimdeme jasap, halıqtan keşirim swrauğa mäjbür boldı. Älem nazarın audarğan bwl jağdayğa, Beyjiñ, Uaştngton jäne Gonkong taraptarınıñ qaratqan közqarası är türli boldı.

Beyjiñ Gonkongtegi halıqtıq ereuilderdiñ artında şeteldik küşter bar dep qaraydı jäne bwl äreketter Gonkongtiñ avtonomiyalıq qwqığınıñ şekteluine aparıp soğadı degen. Al, AQŞ-tıñ birqatar basılımdarı massalıq şerulerdi Beyjiñ men Gonkongtağı liberaldar arasındağı oyın dep bağalağan.

The New York Times basılımı bir kün bwrın Gonkongtağı sayasi jağdayğa baylanıstı kölemdi saraptama jariyaladı. Älem elderi Gonkongtağı sayasi jağdaydıñ kürt özgergenine köbirek män berude. The New York Times Gonkong biliginiñ narazılıq şerulerinen keyin kütpegen jerden «jeñilis tapqanın» basa aytadı. Äri, kezekti massalıq narazılıq şerui jäne Gonkongtegi sayasi jağdaylar Qıtay basşısı Şi Jinpiñniñ «temirdey qattı» rejiminiñ imidjin älsiretti dep qaraydı. «Bıqıtqa jaray Qıtay basşısı Şi Jinpiñ narazılıq akciyası kezinde şetelderde saparda bolıp, Gonkongtağı jağdaylarmen belgili bir ara qaşıqtıqtı saqtap qaldı», – dep jazğan amerikalıq basılım.

Şın mänisinde Gonkongtegi narazılıq Şi Jinpiñ Qıtay biligin wstağan 7 jılda bolğan eñ ülken qarsılıq şarası. Sonday-aq, kezekti jağday agressivti jäne avtoritarlıq täsilmen Gonkongke qısım tüsirip otırğanına qaramastan, Şi Jinpiñniñ biligi, äli de bolsa, belgili bir şekteulerge wşıraytının körsetip berdi.

“The Qazaq Times”