Qazaqstan Respublikasınıñ kezekti Prezident saylauınıñ bastaluına birneşe kün ğana qaldı. Qazaqstandağı sayasi oqiğağa nazar audarğan şeteldik jäne halıqaralıq wyımdar men BAQ ökilderin akkreditteu jwmıstarı bir kün bwrın ayaqtaldı. Bwl procesti Sırtqı ister ministrligi men Ortalıq saylau komissiyası birlese atqarğan. 

QR SİM tarabınıñ habarlauınşa, twraqtı negizde 121 şeteldik BAQ ökilin qamtığan, 40-tan astam elden 227 şeteldik korrespondent tirkelgen. 2015 jılğı saylauda bwl san 168 bolğan.  Şeteldik jurnalister Qazaqstannıñ sırtqı sayasi vedomstvolarınıñ bergen twraqtı nemese uaqıtşa akkreditteu turalı kuäligi bolğanda ğana saylauğa baqılau jasay aladı.

SİM tarabı  "Saylau zañına" säykes, şet eldiñ jäne halıqaralıq wyımdardıñ baqılauşılarına jäne şeteldik BAQ ökilderine akkreditteu turalı kuäligi bolğan künde de, saylaudı baqılau üşin audarmaşımen ilesip jürui kerek ekenin eskertedi.

Sırtqı ister ministrligi men Ortalıq saylau komissiyası mälimdemelerinde, kezekti saylauda elge kelgen şeteldik jurnalisterdiñ sanı rekordtıq körsetkişte dep körsetken, Äri bwnı "älemniñ Qazaqstandağı sayasi jağdayğa nazar audaruı" depti.

“The Qazaq Times”