Foto: https://www.dw.com

Tört künge sozılğan Europarlament saylauı märesine jetti. Saylauğa Europalıq odaq qwramınan şığuğa bel buğan Wlıbritaniya da Brexit mäselesin retteu maqsatında qatısqan. Bwl turalı Reuters agenttigi habarladı.

Bryussel'de jariyalanğan saylaudıñ alğaşqı qorıtındısı boyınşa integraciya yağni euroskeptikter men oñşıldardıñ tanımaldılığı artqan. Saylau nätijesinde jetekşi partiya sanalatın «Europa halıqtıq partiyası» basım dauısqa ie boldı.

Mälimetter boyınşa, socialister men demokrattardan qwralğan al'yans ekinşi orında. Atalğan eki partiya da Europarlamenttiñ biılğı saylauında az mandat jinağan. Sol sebepti köpşilik dauıstı qwray almadı. Al liberaldar men demokrattardıñ Europa üşin al'yansı üşinşi orında twr. Olar tayauda Franciya prezidenti Emmanuel' Makronnıñ «Respublika marşında» qozğalısımen birikken bolatın.

Saylau qorıtındısına säykes, törtinşi orınğa «Jasıldar» partiyası, besinşi orınğa «Europalıq konservatorlar men reformatorlar» frakciyası ornıqqan. Jalpı qortındı jariyalanğannan keyin, Europa halıqtıq partiyasınıñ köşbasşısı Manfred Veber özi jetekşilik etetin partiyanıñ socialister, liberaldar men jasıldardıñ  arasındağı europalıq küştermen birlese Europadağı mäselelerdi talqılauğa dayın ekendigin ayttı. Ol sözinde: «Europa halıqtıq partiyası» bolmasa köpşilikte twraqtılıq bolmaydı. Sondıqtan biz kelisimge keluge dayınbız. Biz birlese jwmıs isteuimiz kerek. Negizgi ideyamız osı. Twraqtılıq jayında aytqan kezde, adamdardıñ Europadağı demokratiyağa senimi turalı aytamız. Europarlament – bolaşaq üşin barlıq mäseleni birlese talqılap, şeşim şığaratın orın», – dep mälimdedi.

"The Qazaq Times"