Ispaniya prem'er-ministri Pedro Sançes. Foto: http://mystylenews.com

Ispaniyada parlamenttik saylauda eldiñ socialistik-jwmısşı partiyası basım tüsip, 350 orındıq deputattar kongresinde 123 mandatqa ie boldı. Bwl – Ispaniya üşin bwrın-soñdı bolmağan jağday. Handelsblatt nemis basılımınıñ habaralauınşa, Ispaniyada soñğı tört jılda üşinşi ret ötken parlamenttik saylauda VOX oñşıldar partiyası 24 orınğa qol jetkizgen.

1930 jıldan beri Ispaniya qoğamı oñşıl jäne solşıl qanatqa bölingen. Basım tüsken Socialistik partiyadan bölek, solşıldar qatarında Kataloniyanıñ respublikalıq partiyası, Podemos jäne VOX partiyaları bar. Oñşıldar sanatında Ispaniyanıñ halıqtıq partiyası, «Azamattar» jäne VOX wlttıq partiyası bar. Biılğı parlamenttik saylau nätijesinde Socialistik-jwmısşı partiyası 123 mandatqa, halıqtıq partiyası 66 mandatqa ie boldı. «Azamattar» partiyası 57 deputattıq orınmen üşinşi orında.

Soldan oñğa qaray: Pedro Sançes Socialistik partiyadan, Pablo Kasado Halıq partiyasınan, Al'bert Rivera ("Azamattar"), Pablo Iglesias Podemos jäne Vox-tan Sant'yago Abaskal'. Foto: AFP

VVS arnasınıñ Europa boyınşa sarapşısı Katya Adlerdiñ aytuınşa, VOX wlttıq populistik partiyasınıñ kütpegen jerden 10% dauıspen 24 mandatqa ie boluı basqaruşı partiyağa qater töndiredi. Sebebi, Kataloniyanıñ egemendik aluğa wmtıluı jäne ispan sayasatkerleriniñ bwl jağdaydı rettey almauı kürdeli mäselelerdiñ birine aynaldı.  Al atalğan wlttıq partiya Kataloniya mäselesine nükte qoyu maqsatında saylauğa tüsip otır. Aldağı uaqıtta Europarlamentke saylau ötetinin eskersek,VOX partiyasınıñ Ispaniya parlamentine ötui jergilikti bilik qana emes, Bryussel'degi liberaldar üşin de qiınldıq tuğızbaq. Bwl rette oñşıl bağıttağı partiyanıñ ıqpalı twtas Euroodaqqa äserin tigizui mümkin.

Osı jılı 11 aqpanda Ispaniyadağı konservativtik «Wlttıq partiya», äsire oñşıl «Voks», ortalıqşıl «Azamattar» partiyası wyımdastırğan bolatın. Madridte ötken narazılıq şeruine jalpı sanı 45 mıñğa juıq adam qatıstı. Ortalıqşıl «Azamattar» partiyasınıñ (Ciudadanos) müşeleri eldiñ prem'er-ministri Pedro Sançestiñ separatistermen kelissözder jürgizu üşin deldal tağayındau josparı Otanğa opasızdıq jasaumen teñ ayıptadı. Sonımen qatar, separatister el prem'er-ministri Pedro Sançestiñ bilikten ketuin jäne merzimnen tıs jalpıwlttıq saylau ötkizudi talap etken. Şeruden keyin Ispaniya biligi separatisterdi jappay tergeuge alğan soñ, separatisterdi jaqtauşılar sot ğimaratınıñ janında demonstraciya ötkizdi. Osı jağdaydan keyin Ispaniya prem'er-ministri Pedro Sançes eldegi kortester taratılıp, merziminen bwrın saylau ötetini turalı resmi mälimdeme jasağan bolatın.

2018 jılı Katoloniya dağdarısı Ispaniya ekonomikasına 1 mlrd euro şığın keltirgen.

Eldiñ prem'er-ministri Sançes öz uädesin orındamağandıqtan, katalondıq partiyalar ükimettik odaqtan şığıp ketken bolatın. nätijesinde, kezekti märte jaña saylau ötkizildi. Biliktegi özara kelispeuşilik saldarınan Ispaniya parlamentiniñ negizgi partiyası qiın jağdayğa qaldı. Soğan qaramastan, äleumettik ozbırlıqtı bastan keşip otırğan Venesuela oppoziciyası Ispaniya biligine arqa süyemek niette. Osı rette oppoziciya jetekşisi Huan Guaido Twitter-degi jazbasında: «Ispaniyada demokratiyanıñ saltanat qwruına kuä bolıp otırmız. Tarihımız bir ispan halqına qaşan da tilektespiz. Sonday-aq jaña sayasi kezeñde Ispaniya ükimeti Venesuelanıñ dağdarıstan şığuına atsalısadı degen ümittemiz», – deydi.

2018 jılı Katoloniya dağdarısı Ispaniya ekonomikasına 1 mlrd euro şığın keltirgen. Negizinen Kataloniyanıñ Ispaniyadan bölinip şığuğa qatıstı äreketi 2017 jılı qazanda bastalğan. Memlekettiñ täuelsizdik üşin küresi 2018 jılı jaña sipat aldı. Sebebi täuelsizdik üşin bolğan öñirlik saylauda separatisterdiñ dauısı basım tüsti. Al osıdan keyin Ispaniya ükimetiniñ basşısı Mariano Rahoy Kataloniya ükimetiniñ basşısı Karles Pudjemont pen biraz sayasatkerlerdi qızmetterinen şettetken edi.

Ayta keteyik, Kataloniya – öziniñ salt-dästüri men tili, 7,5 mln halqı bar avtonomiya. Franciyamen şektesedi jäne Ispaniya öndirisiniñ besten bir böligin qwraydı. Al eger Kataloniya derbes memleket bolatın bolsa, onda onıñ JİÖ Portugaliya men Finlyandiya elderiniñ körsetkişimen teñ boluı mümkin.

"The Qazaq Times"