Photo: BBC

Keşe, 21 säuirde Ukrainada prezidenttik saylau ötkeni belgili.  Bükil älemniñ nazarın audartqan saylauda şoumen Vladimir Zelenskiy  73,18 payız dauıs jinap, jeñiske jetken edi. Osı orayda, bügin britandıq gazetter Ukrainada keşegi ötken saylaudı qorıtındılap, ukrainalıq sayasattanuşılar men jaña prezident kampaniyasınıñ ökilderinen  Zelenskiydiñ aldağı josparları men Ukrainanı ne kütip türğandığı jayında alğan swhbatın jariyaladı.

Times gazetiniñ jazuınşa, jaña prezident Zelenskiydiñ twsında Ukraina Batısqa jaqınday tüsedi. YAğni, AQŞ, Wlıbritaniya jäne basqa da europalıq eldermen baylanısın odan äri nığayta tüspek.

Sonday-aq, atalğan gazet bwğan deyin Zelenskiydiñ Mäskeumen qanday da bir baylanısı bar ekendigin däleledeytin aqparattıñ jarıqqa şıqpağanın da atap ötken.

Al, Zelenskiy kampaniyasınıñ jetekşisi Ivan Bakanov atalğan gazetke bergen swhbatında, amerikalıq şeneunikter jaña bilik jemqorlıqpen küresip, oñ nätije körsetken jağdayda halıqaralıq qoldauğa ie bolatının aytqan. Ivan Bakanov osıdan üş apta bwrın AQŞ-ta bolıp, amerikalıq şeneuniktermen kezdesken edi.

Sonday-aq, Zelenskiy saylau ştabınıñ ökili Dmitriy Razumkov jaña prezidenttiñ EO pen NATO-ğa müşe boluğa referendum ötkizbekşi ekendigin jetkizgen. Sonımen birge, onıñ aytuınşa, Ukrainanıñ Kreml'men jwmıs istemeui mümkin emes. Alayda, Kiev AQŞ pen Wlıbritaniyanıñ "Norman Törttigine" qosıluın swraytın  boladı. Bwğan älbette Mäskeu tarapı qarsı bolmaq, dedi ol. "Eger osığan deyin älem Reseydiñ qalauın jasağan bolsa, bügingi küni onıñ tankileri La-Manş-ta twruşı edi",- dep qortındıladı ol Times-qa bergen swhbatın.

Al, öz kezeginde ukrainalıq sayasattanuşı Vladimir Fesenko Times gazetine bergen pikirinde, Mäskeumen baylanıs emes, jaña preziedenttiñ sayasattağı täjiribesizdigi problema boluı mümkin ekenin ayqan. Ol: "Sayasattağı täjiribesizdiginen Zelenskiy Putinniñ twzaqtarına tüsip qaluı bek mümkin"dep alañdauşılıq bildirdi.

Al, "Daily Telegraph" gazetine bergen swhbatında Petr Poroşenkonıñ prezidenttik saylaudıñ ekinşi aynalımında jeñiske jete almaytının bilgendigin, sonday-aq, onıñ biılğı jıldıñ qazan ayında ötetin parlamenttik saylauğa qatısıp, kek almaqşı ekenin atap ötken.

"The Qazaq Times"