Qazaqstanmen bank salasında ıntımaqtastıqtı jaqsartuğa ıntalı. Foto: KP.KZ.

Bir kün bwrın Iran Islam Keñesi Mäjilisiniñ törağası Äli Laridjani Qazaqstannıñ Irandağı tötenşe jäne ökiletti elşisi Ashat Orazbaydı qabıldadı. Kezdesude Laridjani eki el arasındağı sauda baylanısın damıtu maqsatında bankter arasındağı ıntımaqtastıqtı tereñdetudi qolğa alatının aytqan.

Laridjani men Ashat Orazbay kezdesti. Foto: parstoday.

Kezdesu kezinde Ashat Orazbay men Laridjani Qazaqstan-Iran arasındağı kelisimderdiñ import pen eksporttıñ artuına ıqpal etip otırğanın aytqan. Sauda-ekonomikalıq baylanıstı tipti de jandandıru üşin Iran tarabı eki eldiñ bankteri arasındağı ıntımaqtastıqtı tereñdetuge ümitker.

Ashat Orazbay Qazaqstan-Iran arasında äue reysi qayta aşılğanın jetkizdi. Jaña reys Tehran men Almatı-Astana arasında wşatın boladı.

Hasan Ruhani jaña tabiği gaz aymağınıñ aşıluında mälimdeme jasadı.

Jaqında Iran prezidenti eliniñ oñtüstiginde jaña tabiği gaz aymağınıñ aşıluında Tehran biliginiñ körşi eldermen qarım-qatınastı damıtudı mıqtap qolğa alğanın basa ayttı. Bwl ärine Iran-Batıs qatınasınıñ dağdarısına,  äsirese AQŞ-tıñ ekonomikalıq sankciyalarınıñ küşeyuinen keyin IIR biliginiñ jaña strategiyası deuge boladı. Bwl rette Iran öñirdegi keybir bäsekeles arab elderimen de qarım-qatınastıñ jaña bağıtın wstanatının da bildirip otır.

“The Qazaq Times”