قازاقستانمەن بانك سالاسىندا ىنتىماقتاستىقتى جاقسارتۋعا ىنتالى. فوتو: KP.KZ.

ءبىر كۇن بۇرىن يران يسلام كەڭەسى ءماجىلىسىنىڭ توراعاسى ءالي لاريدجاني قازاقستاننىڭ يرانداعى توتەنشە جانە وكىلەتتى ەلشىسى اسحات ورازبايدى قابىلدادى. كەزدەسۋدە لاريدجاني ەكى ەل اراسىنداعى ساۋدا بايلانىسىن دامىتۋ ماقساتىندا بانكتەر اراسىنداعى ىنتىماقتاستىقتى تەرەڭدەتۋدى قولعا الاتىنىن ايتقان.

لاريدجاني مەن اسحات ورازباي كەزدەستى. فوتو: parstoday.

كەزدەسۋ كەزىندە اسحات ورازباي مەن لاريدجاني قازاقستان-يران اراسىنداعى كەلىسىمدەردىڭ يمپورت پەن ەكسپورتتىڭ ارتۋىنا ىقپال ەتىپ وتىرعانىن ايتقان. ساۋدا-ەكونوميكالىق بايلانىستى ءتىپتى دە جانداندىرۋ ءۇشىن يران تارابى ەكى ەلدىڭ بانكتەرى اراسىنداعى ىنتىماقتاستىقتى تەرەڭدەتۋگە ۇمىتكەر.

اسحات ورازباي قازاقستان-يران اراسىندا اۋە رەيسى قايتا اشىلعانىن جەتكىزدى. جاڭا رەيس تەھران مەن الماتى-استانا اراسىندا ۇشاتىن بولادى.

حاسان رۋحاني جاڭا تابيعي گاز ايماعىنىڭ اشىلۋىندا مالىمدەمە جاسادى.

جاقىندا يران پرەزيدەنتى ەلىنىڭ وڭتۇستىگىندە جاڭا تابيعي گاز ايماعىنىڭ اشىلۋىندا تەھران بيلىگىنىڭ كورشى ەلدەرمەن قارىم-قاتىناستى دامىتۋدى مىقتاپ قولعا العانىن باسا ايتتى. بۇل ارينە يران-باتىس قاتىناسىنىڭ داعدارىسىنا،  اسىرەسە اقش-تىڭ ەكونوميكالىق سانكتسيالارىنىڭ كۇشەيۋىنەن كەيىن ير بيلىگىنىڭ جاڭا ستراتەگياسى دەۋگە بولادى. بۇل رەتتە يران وڭىردەگى كەيبىر باسەكەلەس اراب ەلدەرىمەن دە قارىم-قاتىناستىڭ جاڭا باعىتىن ۇستاناتىنىن دا ءبىلدىرىپ وتىر.

“The Qazaq Times”