Qoğam belsendisi Gözel Qwljabaeva foto: QT

«Qazaq-German-Amerikandıq bibliya misciyası» qoğamdıq birlestigi Almatı oblısınıñ Eñbekşiqazaq audanı Qırbaltabay auılındağı I.Altınsarin atındağı mekteptiñ janındağı internatpen demeuşilikti sıltau etip, erekşe baylanıs ornatqan. Osı mäsele töñireinde bügin Almatı qalasında baspasöz-konferenciyası ötti.

Qoğamdıq qor biıl hristiandıq-protestanttıq dini ağım sanalatın baptisterdiñ orıs tilindegi «Bibliya» kitabı men özge dini materialdarın balalarğa sıylıq retinde taratqan. Al bıltır olar mwndağı 120 balağa onıñ qazaq tilindegi nwsqasın  bergen körinedi. Alayda oblıstıq, audandıq äkimdikter men onıñ bilim böliminiñ basşıları bwl jağdaydan osı uaqıtqa deyin habarsız bolıp kelgeni endi ğana mälim bolıp otır.

Bir qızığı, äleumettik jeli arqılı jetken habarğa birden köñil bölip, özderiniñ kinäsiz ekendikterin körsetpek bolğan «Qazaq-German-Amerikandıq bibliya misciyası» qoğamdıq birlestiginiñ müşeleri oqiğanıñ män-jayın özderinşe jetkizbek boldı. 1997 jıldan beri atalğan internatqa qol wşın berip, balalarğa türli sıylıqtar taratudan basqa, ğimaratqa da demeuşilik jasağan. Kitap taratıluınıñ zañsız ekendigin alğa tartıp, mwnday şaruamen aynalıspağandarın aytıp sendirmek boldı.

Biraq, osı mäseleni köterip, wytqı bolıp otırğan qoğam belsendisi Gözel Qwljabaeva ekinşi tarapımen kelispey otır. Sebebi, Qırbaltabaydağı mektep internatınıñ balaları bwl kitaptardı soñğı eki jıldıñ özinde sıylıqqa alıp otırğandıqtarın aşıq aytqan. Sol sekildi, türli dini şaralardıñ da ötkendigin jasırmağan.

Bwdan bölek, wzaq jıldan beri jalğasıp kele jatqan jağdaydı aşıp aytuğa ata-analardıñ jüregi daualamağan eken. «Aş päleden qaş päle» degendey, wl-qızdarınıñ bilim ordasınan şığıp qaluınan sekem alğan twrğındar, osı künge deyin ne äkimşilikke nemese qwzırlı orındarğa tis jarmaptı.

Baspasöz-konferenciyasına jurnalisterden bölek, bilim böliminiñ, dini ökildiktiñ mamandarın şaqırılğan. Alayda, töbe körsetuden qaşqaqtadı ma belgisiz, äyteuir  jiınğa kelmedi.

Barlıq qoyılğan swraqtarğa jauap beruge tırısqan Gözel Qwljabaeva: «Qırbaltabaydağı bwl internatpen 1997 jıldan beri qarım-qatınas ornatqan bwl «jomart» jandardıñ respublikanı bılay qoyğanda oblıs pen audandardağı özge bilim beru wyımdarımen de baylanıs ornatuı äbden mümkin. Endeşe olarda da mwnday jağdaydıñ orın almağanına eşkim de kepildik bere almaydı. Sol sebepti bwl mäselege bükil jwrtşılıq bolıp ün qosıp, dini ağımdardıñ jas wrpaqtıñ sanasın ulauına tosqauıl qoyumız qajet. Mäselen, bir ğana Eñbekşiqazaq audanındağı memlekettik 85 mekteptegi oquşılar kontingetiniñ sanı – 47 462.  Onıñ törteui bastauış, 8-i negizgi, 73-i orta mektep. Olardıñ 33-i qazaq, 47-si aralas mektep» dep, bwl isti soñına deyin jetkizuge şaqırdı.

Twrmısı naşar jandardıñ balalarına qol wşın bermek bolğan qoğamdıq birlestiktiñ tüpki maqsatı qanday ekendigi äzirge belisiz. Alayda, mwsılman dinin wstanatın mektep internatınıñ oquşılarına «Bibliya» kitabın taratu,  jaqsılıqtıñ nışanı emes ekendigi belgili. Endi istiñ arı qaray qalay ayaqtalatının uaqıt körseter...

"The Qazaq Times"