Otandasımız – Dimaş Qwdaybergenov Qıtaydıñ Hunan telearnasındağı "Änşi" jobasınıñ 5-şi kezñinde, amerikalıq jwldızdı änşi Bruno Marstıñ (Bruno Mars) Uptown Funk änin orındap körermenderin tağı bir märte tañ qaldırdı.

Uptown Funk äni 2014-2015 jıldarı Batıs äleminde hit än bolıp tarağan. Bruno Marstıñ repertuarındağı tanımal änderdiñ biri. Än britandıq änşi kompozitor Mark Ronson ( Mark Ronson) men Bruno Marstıñ şığarmaşılığınan tuğan. 2014 jılı qaraşada änşiniñ jinaq al'bomında alğaş ret jariyalanğan.

Kezekti turda Dimaş özine tapsırılğan ändi joğarı deñgeyde orındap şıqtı. Ayta ketu kerek, bwl retki Dimaşqa jüktelgen än onıñ än orındau stilinde joq. Dimaştan özgeşe orındau şeberligin talap etedi. Uptown Funk änine jalındı, jıldam qimılmen ärleu kerek ekeni tüsinikti. Alayda, Dimaş än men körermen talabınan birdey şığıp, än orındaudağı üzdik nätijeni körsetti.

Qıtay basılımdarınan Dimaştıñ kezekti än orındauı turasında süyinişti pikirler köruge boladı. Dimaştıñ boyınan bwrın bayqamağan qızuqandılıqtı körgendey boldıq desedi. Tipti videodan körgenderiñizdey Dimaştıñ qolına taqqan saqinasınıñ wşıp ketui men kiiminiñ şeşilip ketui de köp sözge tiek bolıp jatsa kerek. Qıtay basılımdarı Dimaş Uptown Funk änimen auditoriyanı şekten tıs tolqıtıp jiberdi deydi.

“The Qazaq Times”