Amerika Qwrama Ştatı Ukraina men Resey arasındağı jağdaydıñ şielenisuine baylanıstı Qara teñizge äskeri kemelerin jiberudi közdep otır. Bwl turalı Pentagon habarladı.

Pentagon AQŞ-tıñ Bas departamentine joldağan joba Türkiyamen aradağı Montre konvenciyasına say jüzege asırılmaq. YAğni, Türkiya eli Qara teñiz arqılı jürip ötuine rwqsat berui tiis. Sonımen qatar, Pentagon baspasöz hatşısı Erik Pahon Montre konvenciyasına say tärtip bwzbay barlıq erejelerdi bwljıtpay orındaytındıqtarın jetkizdi.

AQŞ Türkiya elinen alğaş ret teñiz jolın kesip ötuge rwqsat swrap otırğan joq. Bwdan bwrın da  Bosfor men Dardanel bwğazdarınan erkin kesip ötu üşin ärkez arnayı rwqsat swrağandığı belgili.

 1936 jılğı Montre konvenciyasına say Qara teñizdi kesip ötu üşin barlıq memleket 15 kün bwrın Türkiyağa rwqsat beru ötinişin jiberui tiis.

Esteriñizge sala keteyik, 25 qaraşa küni Ukrainanıñ äskeri teñiz kemeleri Kerçen bwğazın kesip ötpek bolğan. Alayda, Resey teñiz äskerileri şabuıl jasap, üş keme men ukrainalıq sarbazdardı twtqınğa alğan bolatın. Resey tarabı Ukraina kemeleri şekara tärtibin bwzdı dese, Ukraina biligi atalğan oqiğa kezinde Resey öziniñ aybatın körsetpek boldı dep aşıq mälimdeme jasadı. Atalğan oqiğağa baylanıstı Ukraina eli otız kündik soğıs jağdayın engizgen bolatın.

“The Qazaq Times”