Soñğı uaqıtta AQŞ-tıñ salğan tolassız sankciyalarınan keyin Iran biligi de iske kirisken sıñaylı. Osı uaqıtqa deyin « qanday sankciya bolmasın, tötep beremiz» degennen basqa mardımdı jauap qatpağan Iran biligi özderine kelgen qısımnıñ bastamasın sezgendey. Sebebi, Iran köşbasşısı Hasan Ruhani «Amerika Qwrama Ştatınıñ sankciyaları jalğasa berse, Ormuz bwğazı arqılı ötetin şiki mwnay tasmalına tosqauıl qoyamız» dep mälimdeme jasadı.

Negizinen Ormuz bwğazı Iran eliniñ strategiyalıq jäne tranzittik mañızı zor aumaqtarınıñ biri. Sonımen qatar, atalğan bwğaz arqılı Parsı şığanağındağı mwnay öndiruşi elder özderiniñ şiki önimderin erkin tasmaldauın jalğastırıp keledi. Tipti bwl öñirden alınatın qara altın jalpı kölemniñ 20 payızınan asadı eken. Osığan baylanıstı köptegen halıqaralıq sarapşılar atalğan orındı «Iran biliginiñ köziri» dep ataydı.

Eger Ruhanidiñ sözi iske asar bolsa, onda AQŞ tarapı küş qoldanuğa da baruı mümkin. Sebebi, däl osı jağday 1980-1988 jıldardağı Iran men Irak arasındağı soğıstıñ bastamasına wqsap baradı. Teñiz jolında bastalğan soğıs kezinde Ormuz bwğazı arqılı qatınaytın kemelerdiñ erkin qatınauına qiındıq tuğızğan bolatın. Däl osı jağdaydı paydalanğan Amerika biligi öz äskerin kirgizip, äli künge deyin şığarmay otır. Biraq, atalğan orında AQŞ-tıñ eşqanday menşikti jeri bolmağandıqtan, äskeri-teñiz küşin alıp tastau turalı mälimdemeni  Iran osı uaqıtqa deyin aytıp otır.

Esteriñizge sala keteyik, şilde ayınıñ basında Hasan Ruhani däl osı Ormuz bwğazın bwğattau turalı mälimdegen bolatın. Biraq, osı uaqıtqa deyin bir nätije şıqpağandıqtan, AQŞ tarapı öz sankciyaların saludı jalğastırğan. Ekinşi ret köterilip otırğan Ormuz bwğazınıñ jağdayı Parsı şığanağındağı mwnay öndiruşi elderdi endi alañdatatını belgili.

“The Qazaq Times”