NATO wyımı europalıq emes elderdiñ köbirek qoldauında. Foto: RIA Novosti.

 

NATO bas hatşısı Yens Stoltenberg Berlinde jasağan bayandamasında, atalğan wyım qazir Europanıñ qauipsizdigi üşin asa mañızdı röl atqarıp twrğanımen, wyımnıñ bastı tiregi Europalıq Odaqqa müşe emes elder ekenin mälimdedi.

Stoltenbergtiñ mälimetine qarağanda, Britaniyanıñ EO-dan bölinui, wyım işindegi teñgerimderge de ülken özgerister alıp kelgen. Qazir NATO-nıñ 80 payız qarjısın Europa Odağına müşe emes elderden keledi. Degenmen, ol Europa elderiniñ qorğanıs qabletin küşeytuge degen talpınısın joğarı bağalaydı. Europa elderiniñ osı talpınısı aldağı uaqıtta wyımdı tipti de quattı ıntımaqtastıq etui mümkin.

Şın mänisinde de, Reseydiñ äskeri quatınıñ küşeyui Europa elderin alañdattı. Äsirese, Şığıs Europadağı Resey şekarasına jaqın şağın elder egemendigine kepil bolu üşin NATO-ğa köbirek müddeli. Al, bwğan deyin wyımnıñ bastı demeuşisi bolıp kele jatqan Qwrama Ştattar Tramp biliginen keyin, NATO-ğa bölinetin qarjını azaytatının bildirdi. Jaqında ğana AQŞ-tıñ Europada twrğan bwrınğı joğarı äskeri şendisi wyım jinalısında mälimdeme jasap, aldağı uaqıtta Europa öz qauipsizdigine özi jauaptı boluı kerek ekenin, al, Qwrama Ştattar öziniñ Tınıq mwhittağı bastı qarsılasınan qorğanu üşin köbirek qarjı jwmsaytının jetkizgen edi.

Al, Stoltenberg kezekti mälimdemesi arqılı, wyımnıñ aldağı şığındarınıñ köbi europalıq elderdiñ moynına jükteletinin de añğartadı. NATO men Resey äskeri quatın jarısa küşeytu üstinde. Taraptar qanday da bir tüsinistikke wmtılu üşin äreket etkeni bayqalmaydı. Kerisinşe, bir taraptıñ äskeri äreketi ekinşi jaqtan osığan wqsas äreketpen jauap berilude.

“The Qazaq Times”