Kissindjerdiñ Beyjiñ saparı . Foto: VOA.

AQŞ pen Qıtaydıñ basşıları qaraşanıñ soñında Argentinada ötetin «Ülken jiırmalıq» (G20) sammiti kezinde kezdesuge uağdalastı. Qıtay basşısı Şi Jinpiñ beysenbi küni mälimdeme jasap, Beyjiñ tarabınıñ kelissöz arqılı AQŞ-Qıtay arasındağı qalıptasqan şielenisterdi şeşuge talpınatının, alayda Qwrama Ştattar Qıtaydıñ öziniñ tañdağan jolımen damu qwqığın qwrmetteu kerek ekenin jetkizdi. Şi Jinpiñ bwl pikirin beysenbi küni Beyjiñde AQŞ-tıñ bwrınğı memleket hatşısı Kissindjermen kezdesken kezde ortağa saldı.

Qıtaydıñ halıqaralıq sauda jäne öñirlik qauipsizdikke baylanıstı sayasatı halıqaralıq qauımdastıqtıñ sın-pikirine wşıradı. AQŞ Qıtaydan qwrılımdıq reformalar jasap, ädil sauda sayasatın ornatudı talap etti. Särsenbi küni AQŞ prezidentti Donal'ld Tramp Qıtaydıñ 2025 strategiyasın tastap, älemdik sauda aynalımında Batıs elderimen birge twruı kerek ekenin ayttı. Alayda, bwl aytılğandardı qazirşe Qıtay biligi qabıldar emes.

Qıtay basşısı Kissindjermen kezdesu kezinde, Argentinadağı sammit kezinde bwl turalı prezident Tramppen pikir almasatının aytıp ötti. AQŞ-Qıtay sauda soğısına baylanıstı, älem elderiniñ ükimetteri men aqparat qwraldarı osı aydıñ soñında bolatın Tramp-Şi arasındağı kezdesuge köz tigude. Kissindjerdiñ Beyjiñ saparı da aldağı kelissözdiñ kedergilerin azaytu maqsatında jasalğan. Eki el basşıları qanday kelisimge keletinin boljap aytu qiın. Sebebi, bwl teketires eki eldiñ de tübirli müddeleriniñ qayşılığınan kelip şıqqan.

“The Qazaq Times”