2018 jıldıñ 12-14 qaraşasında äl-Farabi atındağı QazWU-da «Transwlttıq qauip-qaterler, terrorizm jäne qauipsizdik mäseleleri» taqırıbına arnalğan Islam Intımaqtastığı Wyımına (IIW) müşe memleketter diplomattarınıñ bağdarlıq bağdarlaması ötedi.

Şaranı wyımdastıruşılar: IIW Bas hatşılığı, QR Sırtqı ister ministrligi jäne äl-Farabi atındağı Qazaq wlttıq universiteti. Atalğan şarağa IIW-ğa müşe memleketterdiñ diplomattarı, Qazaqstandağı şet eldik diplomatiyalıq korpustardıñ ökilderi jäne belgili ğalımdar men sarapşılar qatısadı. Şara terrorizmge qarsı is-qimıldıñ özekti mäselelerin talqılau men qoğamdı radikalizaciyalau, birlesken strategiyalar jäne şaralardı äzirleu, qauipsizdikti qamtamasız etumen qatar adam qwqıqtarın jäne zañnıñ üstemdigin qamtamasız etu salaları boyınşa ozıq täjiribemen almasu jönindegi dialog alañına aynaladı. Kezdesuge qatısuşılar IIW- nıñ terrorizmmen kürestegi wstanğan sayasatı men röli, osı bağıttağı jaña ürdisteri men bağdarlamaları jaylı tolıqtay tanısa aladı.

Äl-Farabi atındağı QazWU BWW «Akademiyalıq ıqpal» bağdarlamasınıñ ğalamdıq habın basqara otırıp, twraqtı damu maqsattarın jüzege asıruğa belsendi qatısadı, olardıñ biri terrorizmge qarsı küres. Universitet jahandıq älemdegi qauipsizdikti qamtamasız etuge jäne adamzattıñ ornıqtı damuına bağıttalğan halıqaralıq wyımdardıñ bastamalarına jäne bağdarlamalarına basa nazar audaradı.

"The Qazaq Times"