Wlttıq jurnalistik zertteu ortalığı Almatı qalası prokuraturasınıñ bastamasımen din salasındağı özekti mäselelerge baylanıstı birneşe nominaciyalar boyınşa jurnalister arasında üzdik materialdarğa bayqau jariyalaydı.

Bayqau merzimi 2018 jıldıñ 25 qazanı men 25 qaraşası aralığın qamtidı. Bayqauğa 2018 jıldıñ 1 qañtarınan bastap, 25 qaraşasına deyingi bwqaralıq aqparat qwraldarında jarıq körgen materialdar qatısa aladı. Jeñimpazdardı marapattau 27 qaraşa küni Almatı qalasında ötedi.

Bayqau jüldesiniñ jalpı qorı – 1 000 000 teñge.

 

 Bayqaudıñ maqsatı:

- Qazaqstan Respublikası jwrtşılığınıñ nazarın din salasındağı memlekettik sayasattıñ özekti mäselelerine audaru.

- Bwqaralıq aqparat qwraldarı, yağni jurnalister arqılı twrğındardı memlekettik sayasattıñ din salasındağı är türli bağıttarı, qoğamdağı konfessiyaaralıq kelisimniñ nığaytıluı jäne saqtaluına bağıttalğan mañızdı is-şaralar jöninde habardar etu.

- Din salasındağı özekti mäseleler boyınşa materialdardı jariyalaytın BAQ pen jurnalisterdi qoldau.

 

Bayqau nominaciyaları:

Dini ekstremizmniñ aldın aluğa baylanıstı bayqau kelesi nominaciyalar boyınşa jürgiziledi:

- eñ üzdik äleumettik rolik

- eñ üzdik televiziyalıq bağdarlama;

- eñ üzdik radiobağdarlama;

- internet resurstağı qazaq tilindegi eñ üzdik maqala;

- internet resurstağı orıs tilindegi eñ üzdik maqala;

- merzimdi basılımdardağı qazaq tilindegi eñ üzdik maqala;

- merzimdi basılımdardağı orıs tilindegi eñ üzdik maqala;

- äleumettik jelilerdegi eñ belsendi qoljetimdi top;

- eñ belsendi bloger.

Jeñimpazdar barlıq nominaciyalar boyınşa bağalı sıylıqtarmen, sonımen qatar 5 (bes) ıntalandıru sıylığımen marapattaladı.

 Bayqau şarttarı:

Almatı qalasında tirkelgen nemese Almatı qalasında tilşiler qosını bar BAQ-tağı kez kelgen jurnalist, sonday-aq ğalım, kösemsözger, qalamger qatısa aladı. BAQ basşılığınıñ rwqsatı talap etilmeydi. Bayqau eki tilde ötedi.

Bayqauğa 2018 jıldıñ 1 qañtarınan bastap 25 qaraşa aralığında jariyalanğan materialdar qabıldanadı.

Bastı qoyılatın talap – Qazaqstannıñ zayırlı memlekettik qwrılımın qarapayım äri wğınıqtı tilmen tüsindiru, memlekettik sayasattıñ zañnamalıq talaptarın wğındıru, din atın jamılğan ekstremistik ağımdardı äşkereleu, dästür men dinniñ özara baylanısın jetkizu, dini ekstremizmniñ aldın alu, teris dini toptardıñ ideologiyası men olardıñ ziyandığın aşıp körsetu.

Qandayda bir dini wstanımdı nemese dindi nasihattauğa bağıttalğan materialdar qabıldanbaydı.

Bayqauğa qatısuşılar Wyımdastıru komitetiniñ uzhzo2005@mail.ru elektrondı poştasına (baylanıs telefonı: 87775654078) mınaday materialdardı jiberui tiis:

1). Avtor turalı mağlwmat /tuğan jeri, küni, ayı, jılı, telefon/;

2). Bayqau materialı jariyalanğan BAQ-tıñ pdf-nwsqası nemese skrinşotı, portal-sayttağı materialdıñ skrinşotı nemese elektrondı siltemesi (bar bolğan jağdayda), tele-radio bağdarlamalardıñ mp4-nwsqası nemese elektrondı siltemesi (bar bolğan jağdayda);

3). Avtor är nominaciyağa 1 nemese 2 material wsına aladı;

4). Bir avtor birneşe nominaciyağa qatısa aladı;

5). Barlıq materialda bayqaudıñ qanday nominaciyasına wsınılatını turalı aqparat boluı mindetti. Nominaciyası körsetilmegen material bayqauğa jiberilmeydi.

Bayqauğa wsınılğan materialdar qaytarılmaydı.

 Bayqau kezeñderi:

  1. Bayqauğa qatısuşılardan materialdardı qabıldau (qosımşa eseptegende 25 qaraşa küni, tüngi sağat 24:00-ge deyin);
  2. Materialdardı saraptau jäne jeñimpazdardı anıqtau (26-qaraşa);
  3. Bayqau jeñimpazdarın saltanattı marapattau (27-qaraşa).

Bayqau jeñimpazdarın marapattau:

Bayqaudı wyımdastıru komiteti jürgizip, jeñimpazdardı 5 nemese 7 adamnan twratın qazılar alqası tañdaydı. Bayqau jeñimpazdarı arnayı nominaciyalar boyınşa tağayındalğan aqşalay jüldelermen jäne arnayı diplomdarmen marapattaladı.

"The Qazaq Times"