Foto: Nikol Paşin'yan

Armeniya prem'er-ministri Nikol Paşin'yan parlamenttegi merziminen tıs saylau üşin öziniñ ornın bosatuğa nietti. Bwl turalı ol parlament ğimaratında ötken qarsılıq nauqanı kezinde mälimdedi, - dep habarlaydı TASS.

Sayasatker otstavkağa ketetin naqtı uaqıtın keyinirek habarlaytının ayttı. Ol öziniñ osı qadamınıñ merziminen tıs prlamenttik saylau ötkizu üşin öte qajet ekendigimen tüsindirgen. «Men osınday kezeñde halıq jaña prem'er tağayındauğa jol bermeydi dep oylaymın», - degen ol, otstavkağa ketkennen keyin öziniñ ükimet basşısınıñ mindetterin orındaytının da aytqan. Bwdan bwrın belgili bolğanday, Armeniyadağı merziminen tıs saylaudıñ jeltoqsan ayında ötetinin habarlağan edi.

Keşe, 2 qazan küni Armeniyanıñ Wlttıq jiını prem'er-ministr otstavkağa ketken jağdayda da parlamenttiñ jwmısın jalğastıruına mümkindik beretin zañ jobasın qabıldağan. Sonımen qatar, osı küni keşkisin jüzdegen adam parlament ğimaratında qarsılıq akciyasın ötkizdi. Qarsılıqqa şığuşılar deputattar men jurnalister otırğan ğimarattıñ barlıq esikterin jauıp tastağan.  Eske salayıq, üstimizdegi jıldıñ 8 mamırında Armeniyanıñ Wlttıq jiını Nikol Paşin'yandı prem'er-ministr etip  saylağan bolatın. Bwl saylau eldiñ bwrınğı prezidenti, prem'er-ministr Serja Sargsyannıñ otstavkağa ketuine baylanıstı ötkizilgen edi.

“The Qazaq Times”