foto: zombio.com

Şetel BAQ-ı qazir, Resey men NATO, Europa elderiniñ arasındağı qarulı küşterdiñ äreketi jiilep, şekaralarğa jaqın mañda qarama-qarsı äskeri oqu-jattığularğa dayın otır, bwl jağday köp jıldardan bergi asa şielenisti deñgeyge ötti dep habarlaydı.

Britandıq habar taratu korporaciyasınıñ habarına qarağanda, Korol'dıq Äue armiya ökilderi jergilikti uaqıt 9 aqpan 11 sağatta, reseylik strategiyalıq bombılauşı eki wşaqtı Şotlandiya keñistiginde bayqap, tosqauıl jasağan.  Reseylik wşaqtar oñtüstikke ığısıp, Franciyanıñ batıs äue keñistiginen payda boladı. Onda da Franciya äue küşteriniñ qarsılığına tap boladı. Tüsten keyin Angliya äue keñistigine qayta payda bolğan Resey wşaqtarı Korol'dıq äue küşteriniñ «Typhoon» şabuılşı wşaqtarı arqılı qaytalay tosqauılğa wşırağan.

Resey strategiyalıq bombalauşı wşaqtarı. Foto: news.sina.com

Qıtaylıq news.sina saytınıñ habarlauınşa, bwl äreket turalı tüsinik bergen Resey Qorğanıs ministrliginiñ ökili: « Resey bombılauşı wşaqtarı özge eldiñ wlttıq äue keñistigin büldirgen joq, tek şalğay aralıqta öz tapsırmaların orındadı», – dedi. Al, sarapşılardıñ qarauınşa, Resey äue küşteriniñ osınday äreket arqılı NATO-ğa qır körsetip otırğan körinedi.

Resey strategiyalıq bombılauşı wşaqtarı europalıq keñistikte köringennen keyin, NATO da qarap qalmadı. Äskeri küşterin Resey şekarasına qadam sayın jaqındattı. Britandıq BAQ-tıñ habarına qarağanda, 1 aqpannan 10 aqpan arasında Germaniyanıñ 450-den astam äskerden qwralğan mehanikalandırılğan atqıştar batal'onı Litva men Resey şekarasına jaqın kelip ornalasqan. Olar äue jäne temirjol arqılı jüzdegen qaru-jaraq, äskeri tehnikanı da ala keledi.

7 aqpan küni, Litva prezidenti nemis äskerlerin qarsı alu räsimin ötkizip, germaniyalıq äskerlerdi qızu qarsı alatının bildirdi. Ol jäne: «Litva ejelden mwnday auqımdı odaqtas armiya küşterin qabıldamağan, bwl äreketimiz – NATO-nıñ tolıqtay ıntımaqtastığın jäne äskeri odağımızdıñ quattılığın körsetedi», – dep atap ötken.

Litva prezidentiniñ Germaniya armiyasın qabıldauı. Foto: news.sina.com

9 aqpan küni, Resey Sırtqı ister ministriniñ orınbasarı «RIA Novostidıñ» swhbatın qabıldağan kezde, «Bwl Ekinşi dünie soğısınan keyin alğaş ret Resey şekarasına nemis äskerleriniñ jaqın kelui», – dep körsetti. Onıñ aytısına qarağanda alda tağı wqsas äskeri ornalastırular bolmaq, NATO-nıñ maqsatı Resey şekarasın qorşay jedel türde äskeri bazaların qwru bolmaq.

Josparğa säykes, Germaniya, Polşa (Pol'şa) jäne Baltıq elderi tört äskeri batal'ondarın Resey şekarasına jaqın ornalastıradı. Bwdan sırt, Wlıbritaniya, AQŞ, Kanada üş el küşteri de Baltıq elderine äskeri bazalar ornalastıruı mümkin. Sonday-aq, NATO osı öñirlerde äskeri oqu-jattığular ötkizedi. Oqu-jattığular osı jıldıñ qañtarında Germaniyada bastaldı, arı qaray Polşa, Litva, Latviya, Estoniyada jalğasıp, birte-birte Resey şekarasına jaqınday tüspek.

Foto: news.sina.com

Kreml' jaq bwnı Resey qauipsizdikke qater töndir dep bağalap, Resey  prezidentiniñ nwsqauı boyınşa 7 aqpannan bastap barlıq äskeri pänderde oqu-jattığular men test jattığuların ötkizudi qolğa aladı. Qalıptasqan jağdaydıñ kürdeliligi sonşalıq – Mäskeu uaqıtımen 7 aqpan 9 sağattan bastap, äue jäne ğarış küşteriniñ barlıq äskeri organdarı, Polkter men formaciyalar jauıngerlik dayındıqtıñ joğarı küyine ötti. Resey prezidentiniñ baspasöz hatşısı Peskovtıñ mälimdemesine süyensek, Resey prezidenti Putinnen bastap, Sırtqı ister ministrine deyin bwl äskeri jattığulardı bir emes, birneşe ret atap aytıp, qadağalap otırğan körinedi. Sebebi, Resey qorğanıs küşteri tiisti deñgeyin saqtap twruı kerek bolğan.

Foto: Deutsche-Welle

Özge de eldiñ aqparat qwraldarınıñ habarlarında qazir Reseydiñ asa quattı äskeri tehnikaları qozğalıs küyde wstalıp otır delinedi. NATO-dan qanday da bir qarsı äreket bayqalsa, twtas qorğanıs küşteri soğıstıq küyge ötuge äzir. Bwl qazirgi kezdegi NATO men Resey arasındağı şielenisken jağdayı. Aldağı uaqıtta bwl damıp, bwdan da kürdeli küyge auısuı bek mümkin. Reseydiñ şekarası bülinip ketpese de, NATO-ğa müşe elderdegi äskeri oqu-jattığulardı sıltau etip, Ukraina jağdayın qaytalauı da mwnda twr. Ukraina demekşi, qalıptasqan osı şielenistiñ bir wşığı Ukraina mäselesinde jatır. NATO-nı közge ilmegen Resey äue küşteriniñ birer wşağı atıp tüsirilse de Baltıq nemese özge de Reseyge şekaralas europalıq elde soğıstıñ bwrq ete qaluı ıqtimal.

“The Qazaq Times”