Foto: eadaily.com

Jeksenbi, 1 qırküyek küni Liviya astanası Tripolidegi türmede orın alğan tärtipsizdikten keyin  jazasın öteuşi 400 adam türmeden qaşıp ketken, - dep habarlaydı eadaily.com Liviyanıñ qwqıq qorğau organdarına silteme jasap.

Policiyanıñ mälimetinşe, türme baqılauşıları öz ömirlerine qauip töngendikten qamaudağılar şığarğan bülikke böget jasay almağan. Bwl bülik türmege jaqın mañda belgili bir qarulı toptar arasında qaqtığıs bolap jatqanın türmedegiler bilgennen keyin bastalğan. Ayta ketu kerek, türmedegilerdiñ köpşiligi kädimgi qılmıstıq ister boyınşa sottalğandar  nemese eldiñ 2011 jılı ornınan alınğan bwrınğı basşısı Muammar Kaddafige qoldau körsetkenderi üşin isti bolğandar. Bwdan bwrın Tripolidegi Liviya Wlttıq kelisim ükimeti toqtausız qaqtığıstardıñ kesirinen el astanası men onıñ töñireginde tötenşe jağday jariyalağan edi.

Bir-birine qarsı küresuşi toptardıñ arasındağı qaqtığıstar liviyalıq astanada 27 tamızdan beri jalğasuda. Onda, tipti zımırandarğa deyin qoldanıluda dep habarlaydı jergilikti aqparat közderi. Liviya Densaulıq saqtau ministrliginiñ soñğı habarlarına qarağanda, qaqtığıs saldarınan 39 adam qaza tapqan. Vedomostvanıñ mälimetinşe, qaza tapqandardıñ basım köpşiligi beybit twrğındar.  Qazirgi uaqıtta liviyalıq astanadağı jalğız äuejay öz jwmısın toqtatqan.

Bärimizge belgili, Liviyadağı azamattıq soğıs 7 jıldan beri jalğasuda. Ol 2011 jılı eldi 40 jıldan astam uaqıt basqarğan diktator Muammar Kaddafi bilikten ketirilgennen keyin dereu bastalğan edi.  Qazirgi tañda qarulı toptar eldiñ auqımdı böligin öz qoldarına alğan. Sonımen qatar, halıqaralıq qauımdastıq tarapınan tanılğan eldiñ uaqıtşa ükimeti şekteuli ğana ökilettilikke ie bolıp otır. Endi, osı jıldıñ 10 jeltoqsanında Liviyada parlamenttik jäne prezidenttik saylaular ötedi dep kütilude.

“The Qazaq Times”